APG, 300, 53, 267, p. 125

Dem Hochwirdigsten in Got Fursten und Hern, hern Ioanni von Gots gnaden bischof zu Pomesan(!) etc., unserm gnedigen herren.

Hochwirdigster in Got Furst, Gnediger Her.

Unser bereitwillige und gantz unvordrossene dinste seint Euer H(ochwirdige) G(nade)n in allewege bevoran entpholen.

Gnediger Herre.

Wir seint in kurtz vorschinnen tagen durch Euer H(ochwirdige) G(nade)n gelieben bruder ersucht und aus derselbigen mitgegebenem gnedigen bevelh gebethen unsern burger Albrecht Nitzschman dahin zurichten dieweil er von Gutstad bortig. Auch sich nicht mit Euer H(ochwirdige) G(nade) derwegen wie schuldig der frey und lossagunge vortragen, das er widderumb dahin sich gestellen solte / und dieweil wir in dem und vil grossem Euer H(ochwirdige) G(nade)n dinstlichen zuwilfaren geflissen haben. Wir Euer H(ochwirdige) G(nade)n begrer zur stund nachkommen wollen. Es hat uns aber gedachter Albrecht seinen bericht / auch scheine und beweis dergestalt vorgetragen, / das wir vormercken, das inen der scheffer dasmal zu Heilsberg im nahmen und von wegen seines gnedigen herren vormoge derselbigen queitbrieffe frei und los gegeben. Doraus er auch unbangst(?) burger recht fier bekommen und nachdeme fachengnanten Albrecht (als vorstendigt) zur Gutstad sein saltz urhalber villeicht genommen sein sal hat er uns dinstlichen vleisses angelanget inen und sein obligen an E(uer) H(ochwirdige) G(nade) zcuvorschreiben und ist derhalben auf gemelt(en) Albrechts.

Auserdem an Euer H(ochwirdige) G(nade) unser dinstlich bitten wolle die sache der freygebung, welche durch den scheffer in stat seins gnedigen herren urkuntlich gegeben(?) gnediglich erwegen(?) und zur sein saltz widderumb volgen ader erstatten lassen in dinstliche zcuvorAPG, 300, 53, 267, p. 126sicht. Seinde Ewer H(ochwirdige) G(nade)n werde sich hirinne gnediglich bewegen / und demselbigen Albrecht zu dem seinen vorhelffen lassen.

Das sein wir umb E(uer) H(ochwirdige) G(nade)n (die wir hiermit Gote in langweriger gesundtheit unnd glugseliger walfart mit vleis entpfelen) yr und allewege zcuvordienen bereitwillig.

Geben Dantzig, dinstags negst vor Catharinae anno etc. XL.

Euer H(ochwirdige) G(nade)n dinstwillige burgermeister und ratman der stad Dantzigk.