APG 300, 53, 268, p. 36

Den ersamen und namhafftigen herren burgermeister und rathman der koniglichen stad Dantzig, / unsern besondern, guten freunden.

APG 300, 53, 268, p. 33

Unsern freuntlichen grus und alles guts zuvoran. / Ersame, namhafte herren, besondere, guthe freunde. /

Es ist hie bei uns gewesen Bartolmes Senger, / der unser schwester tochter gehabt, / und hat sich erkent / in dem, das er unbillicher weisse vorgenommen, / uns in demut gebethen, / in an Ewer E(rbarkei)t zuvorschreiben, / derwegen wir bitten, E(wer) E(rbarkei)t in wolde gunstiglich hab(en) befolhen / und dieweil im E(wer) E(rbarkei)t das wogeampt uff unser vorbitte vorliehen, / in dobei wolt lassen bleiben und vorhalten, / auch meher dis unser vorbitlich schreiben, / dan das negste, / dorzu er uns mit seinem unvorstandt eingefurt, / anmercken, / welchs wir umb E(wer) E(rbarkei)t (: die wir gotlichen gnaden bevelhen :) mit aller freuntlicheit zubeschulden erbottig sein und willig. /

Dat(um) aus unserm schlos Braunsberg, den IX Iunii M D XLI.

Joannes, von Gots gnaden bischoff zu Ermelandt