APG 300, 53, 268, p. 174

Denn ersamenn unnd namhaftigen herrnn burgermeister und rathmann der koniglichenn stadt Danntzigk, unnsern besondern, gutten freund(en).

APG 300, 53, 268, p. 171

Unsern freuntlichen grues und alles guets zuvoran. / Ersame, namhafftige hernn, besonndere, gutte freunde. /

Dieweil der tag unnsers zuesamnekom(m)ens uff s(ancti) Michaelis[1] ghen Graudentz vorhannden / und wir durch etliche der vornembst(en) hernn ko(nigliche)n rethe dieser lannde ersucht / unnd erinnert werden, / wie mit der ein genhomen czeise diss jhar gefallenn, / damit sie in gewisse stelle dem lande zu guth gelegt unnd gehanndelt wurde, / ist unnser bedenncken, / solchs auch E(wer) Erbarkeit written over H(erlichkei)t⌈H(erlichkei)t E(rbarkei)t Erbarkeit written over H(erlichkei)t⌉ anzuzeigen, / das die in ihrer statt amptern / dorann wolde sein, / rechennschaft der izct gefallenen zeise / unnd derer, die vor dieser ist eingenhomen, / zufurdern und uf nechst zukunftig(en) landts tag dieselbten rechenschaft denn hernn rethenn einczubrengen, / damit gewust wurde, wieviel der vorigen unnd itzigen gewest / und das dem nochgekomen macht werden, / welche von gemeinen stenden diss landts / dieser letztenn zeise halben ist wurdenn beschlossen. / Solchs hab wir E(wer) E(rbarkei)t, die wir gotlichen gnaden bevelhen, / aus anderer hernn angebenn / und das es gemeinem nucze diss lanndts notturti(?)fft ist, / freuntlicher weis nicht wolt(en) vorhalt(en).

Dat(um) aus unserem schlos Heilsbergk, denn XIIII Septemb(ris) M D XLIII.

Joannes, von Gots gnade bischoff zu Ermelandt

[1 ] September 29