APG 300, 53, 269, p. 74

Denn ersamenn unnd namhafftigen hern burgermeisternn und rathmannen der ko(nigliche)n stadt Dantzigk, unsernn besundrenn, gutten freunden

APG 300, 53, 269, p. 71

Unnsern freuntlichenn grus unnd alles guts zuvorann. Ersame, namhafftige hern, besundere, gutte freunde. /

Wie Euer E(rbarkei)t durch ihr negstes schreibenn an uns gelannget, / des diersschawshenn gebietts halbenn inn unnser kirchenn bücher nachzusuchenn, / welchs von unns dasmhal unbeantwurt pliebenn, / nicht das wir es E(uer) E(rbarkei)t abshlugenn, / sunder das es durch kürtze der zeitt vorbliebenn, / seinn derhalbenn noch daran, / habenn auch inn unnsernn buchernn zusuchenn bevolhenn. / So etwas gefundenn wirt, / das E(uer) E(rbarkei)t furderlich seinn müchte, / wellenn wir es E(uer) E(rbarkei)t unnbeshweret mit theilenn / unnd aufs erste wissen lassenn. / Gotlichenn gnadenn bevolhenn.

Datum aus unnserm schloss Heilspergk, den VI Februarii M D XLV.

Joannes, vonn Gottes gnadenn bisschoff zw Ermelanndt