AAWO, AB, D. 5, f. 123v

Reverendissimo in Christo Patri et Domino, domino Ioanni Dei gratia episcopo Culmensi, domino et patrono suo colendissimo

Toruniae

AAWO, AB, D. 5, f. 123r

Reverendissime in Christo Pater et Domine, domine colendissime.

Cum mei humillima commendatione.

Imperator cum classem quadringentorum velorum in portu Barsolone eundo ex Hispania Neapolim versus opibus, electo milite et quam plurimorum principum praesentia (qualis a saeculo, ut dicitur, visa non erat) conspexisset utque alium conductorem classis constitueret, ab Andrea Doria ductore classis caesar hortatus fuisset(!). Ad quod caesar die sequenti missa de Sancto Spiritu exaudita respondendo Andreae Doriae in praesentia omnium se in propria persona contra Thurcam, communem hostem fidei Catholicae immanissimum tyrannum orig. tirranum⌈tyrannumtyrannum orig. tirranum⌉, in Dei nomine iturum declaravit eumque primo de regno Thunicy expellendum et deinde Graeciam Constantinopolim versus persequendum dixit. Unde cum omnium exsultatione classem die ultima mensis Maii intravit.

De quibus papa cum certificatus fuerat, indulgentiam plenariam per universum orbem Christianis concessit. Cuius transumptum Reverendissimae Paternitati Vestrae praesentibus mitto.

Classis fert praeter omnem illius munitionem electos milites quadraginta milia peditum et duo milia equitum, quos loco et tempore congruis ad devastand(um) or devastand(as)⌈devastand(um)devastand(um) or devastand(as)⌉ terras infidelium in portum educet, expensis pro sex diebus provisos.

Et tandem gratiae et patrocinio Reverendissimae Paternitati<s> Vestrae me commendo. Quam ab Omnipotenti Deo diutissime optime atque feliciter valere exopto.

Ex Urbe, die XIX Iunii anno Domini 1535.

Eiusdem Reverendissimae Paternitatis Vestrae Ioannes Wiseczsky capellanus