AAWO, AB, D.5, f. 152v

Reverendissimo in Christo patri et domino, domino Ioanni Dei gratia episcopo Warmiensi, domino meo clementissimo

AAWO, AB, D.5, f. 152r

Post humillimam servitiorum et orationum mearum in gratiam Paternitatis Vestrae Reverendissimae commendationem. Reverendissime in Christo pater et domine, domine clementissime.

Quemadmodum novissimis suis litteris Paternitas Vestra Reverendissima per dominum Simonem missis committere dignata est mihi, ut pecuniam una cum litteris Paternitatis Vestrae Reverendissimae domino Iacobo Ludovici pro scatula per fidelem quempiam nuntium Thoroniam mitterem, heri itaque per dominum Simonem nepotem Paternitatis Vestrae Reverendissimae, qui illic profectus est, misi etc.(?)

Nolo etiam Paternitatem Vestram Reverendissimam cum summa, qua possum, reverentia latere me esse per reverendissimum dominum electum et confirmatum Culmensem vocatum ad conventionem futuram Marienburgum, quo me, parens obsequentissime mandatis suae Reverendissimae Paternitatis, conferre, prius tamen in Colmense relaturus mandata Paternitatis Vestrae Reverendissimae capitulo statui, humillime petens, ut Paternitas Vestra Reverendissima cum venerabilis capituli tum meus dignetur esse clementissimus (prout semper erat) dominus, pro cuius nos sanitate omniumque rerum felicissimo successu dominum Deum precabimur sedulo. Quam divina maiestas pro sui nominis gloria et huius patria commodo quam diutissime sospitet prosperetque in omnibus.

Datum in castro Paternitatis Vestrae Reverendissimae Lubaviensi, XXIIII Aprilis anno 1538.

Eiusdem Paternitatis Vestrae Reverendissimae obsequentissimus servitor et capellanus Baltasar a Lublin