Dem Hochwirdigen Fursten und [He]rrn, / herrn Johann / bischofen zue Erm[e]landt, / und der kuniglichen lande Preusses Raths president, / meinem gnedigen herrn /

Craca

Heilsperg

Hochwirdiger Furst. /

Ewr Furstlich Gnaden seyen mein underthenig willig dienst altzeit zuvor berait. /

Gnediger Herr.

Ewr Furstlich Gnaden schreiben des datum stet Heilsperg, / den IX htag(!) Ianuarii hab ich empfangen und alles innhaltz vernomen. / Sag Ewr Furstlich Gnaden umb die vereerung des wildprets unnd fisch, / gantz dienstlichen unnd vleissigen danckh / und wer der gar ob net gewest. /

Sovil dann die dreissig ducaten belangt, / So Ewr Furstlich Gnaden meinem diener zue Cracaw erlege lassen, / die ich dem Nicolao Fridwaldt zue Rhom zue bezahlen verordnet. / Fueg ich Ewr Furstlich Gnaden zu vernemen, / das ich jetzo schreiben empfangen, / gemelter Fridwaldt, / ehe und mein comission brieff hinein komen tods verschiden ist, / also das er dise dreissig ducaten nit empfangen hat. / Sodann Ewr Furstlich Gnaden soll dreissig ducaten dem herrn Caspar Hannaw, / oder jemands andern bezalt haben wellen, / das werden dieselb den Jorg Hegl verstendigen, / wie dann Ewr Furstlich Gnaden verrer begern, / gemeltem herrn Caspar Hannaw, wo er meine leut umb gelt ansuchen wurde, / ime dasselb erlegen zu lassen. / Ist an Ewr Furstlich Gnaden mein bit, / dieselb wellen mir die suma, / wieviel ich ime zuebezalln verordnen soll benen[nen] ...l dero verordnung wolg beschehen. / Wolt Ewr Furstlich Gnaden ich, / dero ich mich diennstlich bevelhen thue, / uff derselben schreiben zue antwurt nit verhalten. /

Datum Augspurg, den XXVIII htag(!) Februarii / anno etc. XLV-ten.

Ewr Gnaden williger Antoni Fugger subscripsit