» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #474

Maciej DRZEWICKI to Ioannes DANTISCUS
Cracow (Kraków), 1530-03-14
            received Augsburg, [1530]-08-23

Manuscript sources:
1fair copy in Latin, autograph, BCz, 249, p. 89-90

Auxiliary sources:
1register in Polish, 20th-century, B. PAU-PAN, 8246 (TK 8), f. 106

Prints:
1AT 12 No. 60, p. 72-73 (in extenso)

 

Text & apparatus & commentaryPlain textText & commentaryText & apparatus

 

Generose et eximie vir, domine amice in Christo dilecte et honorande. Salutem in Domino et optatam felicitatem.

Nuper litteras tuas magna animi gratitudine accepimus, testes tuae in nos firmae benevolentiae, et eo gratiores, quod istic sospes vivas et cum dignitate virtutis tuae agas atque nostri oblitus non sis, et praesertim quod nostrum nepotem Iohannem Drevitium, ad te collegeris, ut tuo ductu et eruditione officiosa vivere in mundo cum hominibus et inter homines discat imperialisque maiestatis praesentiam et aliorum optimatum discat noscere. Nam nos, ut nosti, suae maiestati non incongruum servitium, quod omnibus electoribus manifestissimum est, fecimus, quia discrepantes concordes fecimus, ita ut favente domino Deo electio me instrumento quietissime celebrata est, praesertim ea constantia et mandato serenissimi regis mei spretis magnis pecuniarum summis oblatis rem eo deduxi, ut et illi, qui corrupti erant et munera receperant, in nostram sententiam ire coacti sunt. Illustrissima tamen princeps domina Margareta, imperialis maiestatis amita, per quendam suum secretarium Maratonem sex milia florenorum dare pollicita fuit. Equidem tamen officio debito, ut regis mei mandatum fuit, defunctus modestiam servavi neque illos monui, a quibus recipienda erant; recepissem tamen, cum sponte dati fuissent; nam regum munera numquam spernenda sunt. Non indignum tamen esset, ut Vestrae Dominationis opera et ope per imperialis maiestatis intercessionem nepos meus ad Gnesnensem et Cracoviensem ecclesiam aliquam gratiae exspectativam cum bonis et fortibus clausulis a sanctissimo domino nostro obtineret, quod quidem Vestrae Dominationis bono consilio committo et permaximas gratias ago, quod ita intuitu nostri de nepote nostro agat; habebit enim me et meos sibi ob eam rem devinctissimos; eundem itaque tibi nepotem committo, ut de eo consulas et facias, quod tibi visum erit, confidens, quod virtutis studiis ipsum applicare curabis. Nos coronavimus 20 Februarii serenissimum filium sacrae maiestatis regiae in regem futurum, cuius electio divina inspiratione non cogitata neque ullis praeparationibus instructa in comitiis Pyotrkoviensibus miro modo facta est. Sed optamus et precamur a domino Deo, ut nobis senem regem longaeve vivere faciat et hunc interim, qui est optimae indolis, erudiat bene eruditionis instrumento, ut post fata paterna feliciter regnet et victoriose; exempli enim stimulus sacrae caesareae maiestatis nos potissimum in hoc perficiendum adegit, quod etiam sua maiestas filium puerum, quem Deus servet longaeve, coronari fecit. Rumore communi hic dicitur, quod accusemur istic, tamquam Iohanni regi faveremus, et de Turcis culpemur. Revera iniuste culpamur, nam serenissimi regis Ferdinandi partes summo amore summoque studio fovemus et ob eam rem Turci minis deterremur. Quod vero Lasky adhaereat regi Iohanni, sua sit et non nostra culpa. Tu vale et me ames.

Maciej Drzewicki (*1467 – †1535), in 1486 accompanied Filippo Buonaccorsi (Callimachus), as his secretary, during his mission to emperor Frederick III of Habsburg. In 1515 took part in the First Congress of Vienna, and then (together with Rafał Leszczyński and Dantiscus) in a mission to Venice on Emperor Maximilian I's behalf; after 1488 Canon of Cracow, 1492 Royal Secretary, 1492-1505 Scholastic in Cracow, 1493 Cantor at the collegiate chapter in Sandomierz, 1496-1531 Scholastic at the collegiate chapter in Łęczyca, 1497, 1499 Grand Royal Secretary, 1498-1514 Provost at the collegiate chapter in Skalbmierz, 1499 - at St. Florian's in the Kleparz district in Cracow, 1500 Canon of Poznań, 1501-1511 Crown Vice-Chancellor, 1504 Bishop of Przemyśl, 1511-1515 Provost at the collegiate chapter of St. Michael at the Crown castle and Grand Crown Chancellor, 1513-1531 Bishop of Włocławek, 1531-1535 Archbishop of Gniezno and Primate of Poland, 1515 envoy of Emperor Maximilian I of Habsburg (together with Rafał Leszczyński and Ioannes Dantiscus) to Venice (PSB 5, p. 409-412; Urzędnicy 10, p. 166)⌊Mathias DrevitiusMaciej Drzewicki (*1467 – †1535), in 1486 accompanied Filippo Buonaccorsi (Callimachus), as his secretary, during his mission to emperor Frederick III of Habsburg. In 1515 took part in the First Congress of Vienna, and then (together with Rafał Leszczyński and Dantiscus) in a mission to Venice on Emperor Maximilian I's behalf; after 1488 Canon of Cracow, 1492 Royal Secretary, 1492-1505 Scholastic in Cracow, 1493 Cantor at the collegiate chapter in Sandomierz, 1496-1531 Scholastic at the collegiate chapter in Łęczyca, 1497, 1499 Grand Royal Secretary, 1498-1514 Provost at the collegiate chapter in Skalbmierz, 1499 - at St. Florian's in the Kleparz district in Cracow, 1500 Canon of Poznań, 1501-1511 Crown Vice-Chancellor, 1504 Bishop of Przemyśl, 1511-1515 Provost at the collegiate chapter of St. Michael at the Crown castle and Grand Crown Chancellor, 1513-1531 Bishop of Włocławek, 1531-1535 Archbishop of Gniezno and Primate of Poland, 1515 envoy of Emperor Maximilian I of Habsburg (together with Rafał Leszczyński and Ioannes Dantiscus) to Venice (PSB 5, p. 409-412; Urzędnicy 10, p. 166)⌋, Dei gratia episcopus Cuyaviensis.