Reverendissimo in Christo Patri et Domino, domino Ioannes Dantiscus (Johannes von Höfen, Ioannes de Curiis, Jan Dantyszek, Johannes Flachsbinder) (*1485 – †1548), eminent diplomat and humanist in the service of the Jagiellons, neo-Latin poet; 1530-1537 Bishop of Kulm; 1537-1548 Bishop of Ermland⌊Ioanni Dei gratia episcopo WarmiensiIoannes Dantiscus (Johannes von Höfen, Ioannes de Curiis, Jan Dantyszek, Johannes Flachsbinder) (*1485 – †1548), eminent diplomat and humanist in the service of the Jagiellons, neo-Latin poet; 1530-1537 Bishop of Kulm; 1537-1548 Bishop of Ermland⌋ et administratori ecclesiae Pomezaniensis. Domino meo et maiori observando

Reverendissime in Christo Pater et Domine, domine mihi colendissime et plurimum observande.

Obsequiorum meorum sedulitatem et commendationem.

Heri per servitorem meum misi Reverendissimae Dominationi Vestrae litteras ex urbe acceptas quas, Ioannes Brede fratri meo non sine harpagatione solita reddiderat. Eae cum tam diuturnis curis nostris super Romanis expeditionibus colophonem addidisse videantur, nova subit ex obitu reverendissimi domini Cracoviensis solitudo, ne quid procrastinationis aut negligentiae committatur in his, quae etiamdumque a serenissima regia maiestate impetranda esse Reverendissima Dominatio Vestra dixit. Spero tamen cura Reverendissimae Dominationis Vestrae his etiam casibus esse olim prospectum. Dignetur Reverendissima Dominatio Vestra consulere mihi quid de obeunda administratione aggrediar. Urget conventus proximus Marieburgensis, ad quem si proficisci oportet, multa mihi adhuc sunt paranda, quorum magna pars hic me fugit, alioqui non facile paterer me assueto inde avelli. Hactenus sede vacante auctoritate venerabilis capituli vicariatus officium gessi. Iam vero cum cognitum sit Reverendissimam Dominationem Vestram Dei gratia plenam ecclesiae et episcopatus huius iurisdictionem adeptam esse, vacat officium meum egoque in ordinem me redigo. Curabit igitur Reverendissima Dominatio Vestra successorem mihi dare quamprimum, ne hac in parte fatiscat ecclesiastica iurisdictio. Me deferente negat dominus Felix se obiturum hoc munus, nisi auctore Reverendissima Dominatio Vestra quae videtur hoc officium illi usque ad discessum meum distulisse. Dominus praepositus noster de rebus suis magno utitur silentio.

Commendo me Reverendissimae Dominationi Vestrae, quam Deus servet felicem et incolumem.

Apud Frauenburg (Frombork, Varmia, Warmia), town in Ermland, on the Vistula Lagoon, Ermland bishopric see⌊VarmiamFrauenburg (Frombork, Varmia, Warmia), town in Ermland, on the Vistula Lagoon, Ermland bishopric see⌋, die 24 Martii 1538.

Eiusdem Reverendissimae Dominationis Vestrae deditissimus servitor Tiedemann Giese (Tidemannus Gisius) (*1480 – †1550), in 1519 ennobled by King Sigismund I; 1504-1538 Canon of Ermland (Warmia); 1516-1527, 1533-1537 Judicial Vicar and Vicar General of Ermland; 1523-1538 Custos of Ermland; 1537-1549 Bishop of Kulm (Chełmno); 1549-1550 Bishop of Ermland (BORAWSKA 1984, passim)⌊Tidemannus GiseTiedemann Giese (Tidemannus Gisius) (*1480 – †1550), in 1519 ennobled by King Sigismund I; 1504-1538 Canon of Ermland (Warmia); 1516-1527, 1533-1537 Judicial Vicar and Vicar General of Ermland; 1523-1538 Custos of Ermland; 1537-1549 Bishop of Kulm (Chełmno); 1549-1550 Bishop of Ermland (BORAWSKA 1984, passim)⌋