» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #4779

Tiedemann GIESE to Ioannes DANTISCUS
Löbau (Lubawa), 1539-06-28
            received [1539]-06-29

Manuscript sources:
1fair copy in Latin, autograph, address in the other hand, AAWO, AB, D. 2, f. 117

Auxiliary sources:
1register in German, 20th-century, B. PAU-PAN, 8249 (TK 11), f. 105

 

Text & apparatus & commentaryPlain textText & commentaryText & apparatus

 

AAWO, AB., D. 2, f. 117v

Reverendissimo in Christo Patri et Domino, domino Ioanni Dei gratia episcopo Varmiensi, fratri et maiori plurimum observando

AAWO, AB., D. 2, f. 117r

Reverendissime in Christo Pater et Domine, frater et maior plurimum observande. Salutem et mei commendationem.

Cum hic servitor Reverendissimae Dominationis Vestrae huc divertens litteras a me postularet, tametsi non habebam, quod praecipue scriberem, tamen ne vacuus a me abiret, dedi ei cum his litteris exemplum litterarum civitatum referendum ad Reverendissimam Dominationem Vestram superinscribed⌈VestramVestram superinscribed⌉, item litteras posteriores ad me domini castellani Culmensis, ex quibus cognoscet Reverendissima Dominatio Vestra perplexum hominis ingenium et hoc, quod fortasse vere ipse excusat. Ego posthac in simili casu sciero doctrinam Reverendissimae Dominationis Vestrae sequi. Nuntius Reverendissimae Dominationis Vestrae una hic orta nocte meisque acceptis litteris iter suum prosecutus est Cracoviam. Quidam apud me quippiam negotii habens, cum recens Cracovia advenisset, narravit se regiam maiestatem in lecto reliquisse aegrotam, faucium nescio, quo morbo, laborantem. Dominus Deus hoc servato principe nos quoque servabit, cum quo pereunte timeo, ne nos quoque pessum eamus. Ideo pro illius salute precandus nobis est Deus, cui et Reverendissimam Dominationem Vestram eiusque vitam et incolumitatem, qua nihil est mihi optabilius, ex animo commendo, cupiens me vicissim eius amori commendatum esse.

Dat(ae) or Dat(um)⌈Dat(ae)Dat(ae) or Dat(um)⌉ Lubaviae, die XXVIII Iunii etc. XXXIX.

Eiusdem Reverendissimae Dominationis Vestrae obsequentissimus Tidemannus episcopus Culmensis