Venerabilibus Dominis Praelatis et Canonicis Capituli ecclesiae nostrae Varmiensis, fratribus sincere nobis dilectis

Ioannes dei gratia episcopus Varmiensis

Venerabiles [Domini], frat[re]s sincer[e] [n]obis dilecti.

Acceptum Fraternitatibus Vestris referimus, quod nepotem nostrum non grava[t]e in possessionem admiserint. Qui, ut persuasum habemus, pro bona eius indole sic se geret, ne quid, quod honestum decet hominem iuvenem, in eo desiderari possit. De Samsone subdito Fraternitatum Vestrarum cum venerabili domino decano sic egimus, ut, ubi Fraternitates Vestrae illi viginti impenderint, nos reddituri simus in singulos annos aureos decem. Velimus tamen, ut potius illi quandraginta consignarent et tum viginti a nobis illi accederent sustineretque se, cum in urbe commodius nobis et Fraternitatibus Vestris aliquando usui futurus. Quas feliciter valere optamus.

Datae ex arce nostra Heilsberg, XXIII Februarii MDXLVI.