GStA PK, HBA, C1 No 651 2 unnumbered

Dem durchlauchten, hochgebornen fursten und herren, herren Albrechten, von Gots gnaden marggraff zu Brandenburg, / in Preussenn, zu Stettin, Pomern, / der Cassuben und Wenden hertzog, / burggraff zu Nurmberg und furst zu Rugen, / unnserm hochgunstigen, lieben herren und freundt

GStA PK, HBA, C1 No 651, 1 unnumbered

Durchlauchter, hochgeborner furst, / hochgunstiger, lieber her unnd freundt. / Unser freuntliche, willige dinste zuvoran. /

Wir haben den XII dits E(wer) F(urstlichen) D(urchlauch)t mit yrem lauffenden bothen / und den andern tag dornach bei koniglichem kemmerer(r) geschrieben. / So ist heuten unser diener, der E(wer) F(urstlichen) D(urchlauch)t schreiben in bewusten sachen an hoff mit sich genommen, / widder an uns gelangt, / mit sich diese beÿgelegte brieffe an E(wer) F(urstliche) D(urchlauch)t gebracht, / aus welchem vorstehenn wirt, / wie gantz angeneme ko(nigliche)r m(aieste)t, unnserm aller gnedigisten herren, E(wer) F(urstliche) D(urchlauch)t trewhertzig anzeigen durch unsern hoffbruder, den herren Nibschitz gethan, / gewest ist. / Die zwene herren, die E(wer) F(urstlichen) D(urchlauch)t geschrieben, / haben uns auch yre meinung zuerkennen geben, / beclagen mit uns solch unchristlich vornehmen etc. Und hat uns der hochwirdige von der Coÿe graff zu Gorcka durch sein eigen handtschreiben gebethen, / in E(wer) F(urstlichen) D(urchlauch)t uf das fleissigst zubefelhen. /

Neues ist nicht sonders an uns kommen, / das E(wer) F(urstliche) D(urchlauch)t nicht wuste. / Es wirt uns geschrieben, / das die von Normberg beÿ inn ro(mische)r ko(nigliche)r m(aieste)t gros ehre haben bewiesen / und dreissig tausent gulden geschenckt etc. und das ir m(aieste)t mit dem konige von Franckreich im Nidderland bei key(serliche)r m(aieste)t sollen sein, / dohin ko(niglich)e m(aieste)t, unser allergnedigister herr, iren botschafter mit nahmen N. Otzieski, / der etwan bei dem crokischen herren vorstorben, / gedÿnet, / hat abgefertigt, / das zu unser ruhe, dorin wir Gott loben, / nicht unnutz etc. Sonst E(wer) F(urstliche) D(urchlauch)t wissen wir dismals nichts sonders zuschreiben, / der gunst wir uns vortraulich und wilferig bevelhen. /

Dat(um) bei unser kirchen zur Gutstadt, den XXIIII Martii MDXL etc.

Ioannes, von Gots gnaden bischoff zu Ermelandt

Io(an)nes / qui sup(ra) ma(n)u p(ro)pria s(ub)s(crips)it adscribed, in the hand of Dantiscus⌈Io(an)nes / qui sup(ra) ma(n)u p(ro)pria s(ub)s(crips)itIo(an)nes / qui sup(ra) ma(n)u p(ro)pria s(ub)s(crips)it adscribed, in the hand of Dantiscus⌉