Dem Hochwirdigen Fursten und Hernn, hern Johan bischoven zu Culmensee, / meinem gnedigen herrn.

Hochwirdiger Furst, / gnediger her. /

Ewer Furstlich Gnaden sein mein gantz underthanig willig dienst zuvor berait. /

Ewr Furstlich Gnaden / schreiben des datum Lobaw, den sechzehenden tag verschinen monats Novembris ist mir worden, / daraus underthanigest vernomen, / wie nur dan mein diener Jorg Hegel auch davon schreibet, / dass er gen Rom bevolchen hat, / dass geltt fur die zwo expeditiones zu bezahlen, / dass wirtt also geschehen. / Gott verleih Ewr Furstlich Gnaden / lang leben, / dass dieselbig mog in frieden lang jar und zu der saligkeit niessen. /

Ewr Furstlich Gnaden / hat mir geschicktt ein verley wildnuss oel, / die wil ich mit meinen guetten hern und freunden von Ewr Furstlich Gnaden wegen in freuden verzehren, / und Ewr Furstlich Gnaden dabei in löstlich gedencken, / deren ich mich hiemit underthanig bevelchen thue. /

Geben zu Augspurg, den 13-ten tag Ianuarii anno etc. 1538-ten.

Ewr Furstlich Gnaden unterdeniger Antoni Fugger subscripsit