BCz, 1606, p. 406

Dem Erwirdigenn in Got, unserm besonndernn gelieptenn freundt und nachparnn, / herrenn Johansen bischoff zu Ermelanndt

BCz, 1606, p. 401

Unnser freuntlich dinst zuvornn.

Erwirdiger inn Got, besonnder lieber freundt unnd nachpar. /

Aus verwanter freuntlicher nachparschafft / konnenn wir E(uer) L(ieb) nicht bergenn, / das glaubwirdig ann unns gelangt, / wie sich ein goltschmidt vonn Crackaw Pluto genant unter herrenn Podmanzski inn Hungernn enthalt(en) unnd aufff unnser muntz groschenn unnd dreier falsch schlagenn, / unnd daruber eczliche leuth, die dasselbige ausgegebenn unnd das es der arth hero keine zugestandenn, / zu Crackaw mermals betretenn unnd auch gefenglich geseczt, aber paldt widerumb nicht wissenn wir aus was ursachenn one allenn entgelt aus unnd los gelassenn sein sollenn. / Welchs inn warheit ein beschwerlicher handel und unns nicht mit ist, / mogenn auch bei unns nicht schliessenn, ob es gut, / das man also lindt mit denn ausgebernn der falschenn muncz umbgehet. /

Besorgenn unns derhalbenn das BCz, 1606, p. 402 nicht konnfftig etwas durch dasselbig so zu mererem nachteil gereichenn unnd hernachmal nicht also leichtlicht ausgelescht werdenn, / einreissenn mocht, / sonnder wan vonn allenn herschafftenn unnd ortenn darob gehaltenn, / auch denn vorprecherenn ir gepurlicher lonn gegebenn wurde / (unnsers erachtenns) viel dings, / das sonstenn zu gemeiner beschwerung fur sich gehet, / nachpleibenn. /

Dieweil wir aber befinden, / das leider der falsch unnd dergleichen betruck mit der muncz von untermengung vonn zien, / pley und anderem methall, / hin unnd wider ann allenn ortenn ihemehr unnd mehr zu unleidlichem unnd beschwerlichem schadenn, / gemeiner handtirung unnd armuth / im schwanck gehet unnd gepraucht wirdt, / so habenn wir E(uer) L(ieb) als unnserm besonndernn gelieptenn freunt und cristlichenn prelaten, / dem ungeczweiffelt solcher gemeiner betruck unnd beschwerlicher unfromme zum hochsten wider im bestenn unver hidden by binding⌈[er]er hidden by binding⌉melt nicht wollenn lassenn, / domit dieselbe BCz, 1606, p. 403 ire unnderthan / vor solchem gnediglich zu warnnen, / unnd das sie auff allerlei betrug falscher muntz guth aufmerckung gebenn, / zubevelenn, / uff das man einsmals hinter denn grundt kommen / und die tether / andern zur schew ernstlich derhalbenn vermoge der rechten gestrafft werdenn mocht(en). / Unnd woe es E(uer) L(ieb) vor guth ansehenn, / deucht uns nicht ungerathenn, / das dieselbig, / wes dieser arth, / wie obenn gemelt ann E(uer) L(ieb) gelangt, / gegenn iren vertrautenn koniglichs hoffs geschriebenn, domit auff diese ding acht gegebenn und gepurende einsehenn geschehen mochtenn, / wie E(uer) L(ieb) dem als der hochverstendige und weise ein rechte mas wol werden zugebenn wissenn. /

Dann wir unsern getreuen pflichtenn unnd sonnst angeparnner blutverwandtnus nach konig(liche)r ma(ieste)t(en) nicht gonnenn, das inn irenn lanndenn solcher falsch solth geliedenn unnd nicht gestrafft werdenn. / E(uer) L(ieb) inn einem viel mererem vor irem schadenn zw BCz, 1606, p. 404 warnenn / unnd zu dienenn, wie wir unns hidden by binding⌈[s]s hidden by binding⌉ dann gleichsfals hinwider zue E(uer) L(ieb) freuntlich versehenn, / sein wir ider zeit unvordrossen hidden by binding⌈[en]en hidden by binding⌉.

Dat(um) Konispergk, denn 10 Aprilis anno 1540.

Vonn Gots genaden Albrecht marggraff zu Brandenburgk, in Preussen, zu Stettin, Pommern, der Cassubenn unnd Wenden hidden by binding⌈[n]n hidden by binding⌉ hertzog, burggraff zu Nurnbergk und furst zu Rugenn manu propria subscripsit