Unnsere freuntliche dinst zuvorn.
Erwirdiger ihn Got, besonder lieber freundt und nachbar. /
Nachdem wir Euer Lieb auff ir freuntlich durch den wirdigen achtbarn unnd hochgelerten / unsern lieben besondern ⌊Ditterich von Reden⌋ anlangen Euer Lieb undtersassenn ⌊Christoffen von Wanckens⌋ betreffende, das wir uns seyner vormeÿnten beschwerung allenthalben bey dem erbarn unserm amptmhan zum ⌊Sehesten⌋ und lieben getreuen ⌊Wolffen Hennigken⌋ erkundigen und Euer Lieb nach seynem eingeprachten bericht ferner beantwurthen wolten geschrieben. / Hirumb fugen wir Euer Lieb freuntlichen zuvornemen. Wie uns bemelther unnser ⌊amptmahnn⌋ berichtsweis zuerkennen gegeben, das gedachter ⌊Wantkenn⌋, / oder seyner leuth das gepurlich scharwerck zuthun schuldigk unnd pflichtigk angesehen, / das es ihe und allewegen seyne vorfarn, auch einer ⌊Merten Bot⌋ genanth thun haben mussen, / welcher Merten Both beÿ seÿnem leben von der herschafft (nachdem er eine schneide muhl gehalten der gestalt) des scharwergks erlassen das er allewegenn ierlichen dreÿ schogk dilen unnd ein fass Dantzker bir dem pfleger daselbst zu ⌊Sehesten⌋ uberlifert auch mit seynem eignen underspan aufs ha[us] gefurt, / aber nach seinem des ⌊Merten Bothen⌋ abgangk, als die schneide muhl zergangen sein... die besitzer desselben guts von wegenn der m... leistung des pflichtigen scharwergks gestrafft auch inen ochssen genommen worden, zudem... ist kundigk auch durch die Altsassen zuer...sen, / das ⌊Bat⌋ unnd andere nicht allein z[w] unserm hauss ⌊Sehesten⌋ sondern auch auf d... ⌊Poppen⌋, Cartin und ⌊Rastenburgk⌋ wo sye ni... pferdt gehabt, / mit ochssen das scharwergk ausrichten mussen. /
Derhalben, / weil es bey offt bemelts ⌊Bothen⌋ lebenn gescheen un[d] keyne neuerung zu schatzen. / Aus dis... aber des ⌊Wanckenns⌋ ungehorsam ist uns... bevelich mit dem paw aufim paroffen gl... wol nach geplieben, / des wir dan wie Euer Lieb zuerachtenn wenigk gefallens tragen kon[nen] wollen uns demnach zu Euer Lieb gentzlichen u... freuntlichenn.
Dorumb wir auch bitten vorsehen Euer Lieb werden disen unnsern b[e]richt zu gemuth fhuren unnd iren un[n]terthan dahyn weisen, / damit er da[s]jenige, / wes seyne vorfarn ihe unnd al... wegenn gethan, auch gehorsamlich ausr.... Woe ihme aber solchs beschwerlich, / so möge[n] wir wol leiden, / das er die guther in w... rennde handt / und an solche leuthe welche ... schuldige pflicht williglichen ausrich... bringe. / Dan wo er das nicht thun ... syÿch widersetzlich (des wir uns doch nicht vorsehen) ertzeigen wirt, / werden wir des wes unnsere notturfft erfordert darin vortzunemen verursacht. /
Dis haben wir Euer Lieb unnserm jungsten schreybenn nach zum bericht des handels freuntlicher meÿnung nicht vorhaltenn wollen, / dan derselben viel nachparlichs willens zuertzeigenn, / seind wir gewogenn. /
Von Gots gnaden ⌊Albrecht, marggraf zu ⌊Brandenburgk⌋, in ⌊Preussen⌋, zu ⌊Stettin⌋, ⌊Pomern⌋, der ⌊Cassuben⌋ und ⌊Wenden⌋ hertzogk⌋, burggraff zu ⌊Nurenburgk⌋ und furst zu ⌊Rugenn⌋ etc. [manu] propria subscripsit
