Dem durchlauchten, hochgebornen fursten und hern, hern Albrechten, von Gots gnadennn marggraff zu Brandenburg, in Preussenn, zu Stetin, Pomern, der Kassuben und Wenden herczog, burggraff zu Normberg und furst zu Rugen, / unsermm hochgunstigen, lyben hern und freundt

Durchlauchter, hochgeborner furst, hochgunstiger, lyber her und freundt. / Unser freuntliche, wÿllige dinst zuvoran. /

Wir haben negst Ewer Furstlichen Durchlaucht den IIII dyts monts was zu beantwurten der selbten negsth schreÿben gehorig / mit etlichen tzeÿtungen zu gestelt / und diss mhal auch nicht mocht nachlossen, dÿweÿl uns aber von hove tzeÿtung zugekomen, zu Krake den VII dits gegeben, / mit zu theÿlen etc. Es hat uns her Jobst Ludwig geschrÿben, / gedencke der flinderlen nicht, / sonder das er etliche bomwolle an Ewer Furstlichen Durchlaucht durchlauchte, hochgeborne furstin geschickt habe, / welche wir himit beÿ unserm secretario thun ubersenden / und uns in Ewer Furstlichen Durchlaucht gunst befelhen. /

Datumm Heÿlsbergk, den XVII Iulii M D XXXIX.

Ioannes, von Gots gnadenn bÿschoff zu Ermelandt