GStAPK, HBA, C1, No. 955, f. 2unnumbered

Dem durchlauchtenn hochgebornenn furstenn unnd herrnn hernn Albrechtenn von Gots gnadenn marggraf zu Brandenburg in Preussen / zw Stetinn / Pomernn / der Cassubenn und Wendenn herzcog / burgrafen zu Nornberg und furst zu Rugen unserm hochgunstigen lieben hern unnd freunde /

GStAPK, HBA, C1, No. 955, f. 1unnumbered

Durchlauchter hochgeborner furst / hochgunstiger lieber herr und freundt. / Unnsere freuntliche unnd vleiswillige dinste zuvorann. /

Weil diessem E(uer) F(urstliche) D(urchlauch)t bothenn seinn pferdleinn wurd muede ist wordenn / hab wir ihm einn frishes lassenn gebenn / damitt er ungeseumet ann E(uer) F(urstliche) D(urchlauch)t muge komenn / mit vleis bittende / so was vonn zeittungenn aus dem beterkawshenn thage durch ihnn mitgebracht / uns bei gebliebenn / wann es widerumb zw sich gekomen / wolle wir gesunth ann E(uer) F(urstliche) D(urchlauch)t hoff thun shicken / danebenn auch / so wir was vonn unserem bothe des wir kurtzlich vormuttenn / erlanngenn / E(uer) F(urstliche) D(urchlauch)t der gunst wir unns befelhenn / nicht vorhaltenn. /

Dat(um) Heilsberg denn XX Februarii MDXLIIII.

Ioannes von Gots gnadenn bishoff zw Ermelanndt