» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #536

Lodovico ALIFIO to Ioannes DANTISCUS
Cracow (Kraków), 1530-08-31
            received Augsburg, [1530]-09-28

Manuscript sources:
1fair copy in Latin, autograph, BCz, 243, p. 131-132

Auxiliary sources:
1register in Polish, 20th-century, B. PAU-PAN, 8246 (TK 8), f. 204

Prints:
1AT 12 No. 262, p. 245 (in extenso)

 

Text & apparatus & commentaryPlain textText & commentaryText & apparatus

 

BCz, 243, p. 132

Reverendissimo in Christo patri et domino domino Iohanni Dantischo episcopo Chulmensi serenissimi regis paper damaged⌈[serenissimi regis]serenissimi regis paper damaged⌉ Poloniae oratori paper damaged⌈[tori]tori paper damaged⌉ [...] paper damaged⌈[...][...] paper damaged⌉ etc. domino frat paper damaged⌈[frat]frat paper damaged⌉ri plurimum honorando

BCz, 243, p. 131

Reverendissime in Christo pater et domine, mi domine et frater plurimum honorande.

Solita commendatione praemissa.

In nomine Domini crastina luce hinc proficisci constitui, quod felix faustumque sit; cogor recta ire Venetias, ex Venetiis Barum et ex Baro Neapolim, alias concilium pontificum in me acriter insurgeret, quam ob rem non nisi in rem serenissimarum maiestatum principum nostrorum cederet, si a sacra caesarea catholicaque maiestate litteras comendaticias generales favoris et gratiae plenas obtineret, quibus ill(ustri) or ill(ustrissimo)⌈ill(ustri)ill(ustri) or ill(ustrissimo)⌉ proregi et pontificum concilio mandaretur, quod mihi in rebus licitis, iustis et honestis faverent et assisterent, cum id sit de mente et ultima voluntate suae caesareae maiestatis. Sed cur sus Minervam? Scribe sapienti et sileas. Idcirco rogo Dominationem Vestram, ut quantocius litteras expedierit, illas e vestigio Venetias remittat ad manus domini Io Iacobi de Dugnano. De indulto in personam meam, de superinscribed⌈dede superinscribed⌉ quo binis litteris meis ad Dominationem Vestram Reverendissimam perscripseram, non erit amplius curandum, nam audio Neapoli obtemperatum esse mandato caesaris et indultum per collaterale concilium confirmatum est seu auctorisatum, ut ipsi dicunt et volunt. Verum tamen minime gratis, nam quadraginta scutos aureos de sole, ut dicunt, extorserunt, ut indultum caesaris suis auctoritatibus munirent et roborarent. Sic ubique ex rapto vivitur. Quam ob rem rogo Dominationem Vestram Reverendissimam, conquiescat et de alio indulto non laboret, cum satis superque sim tutus et securus opera tum Dominationis Vestrae Reverendissimae, cui me plurimum plerumque debere fateor. De indulto pro domino barone rogo Dominationem Vestram Reverendissimam, si fieri poterit, quam primum me certum facere dignetur, quos res sua in pendenti non vacillet.

Commendo me et servitia mea eidem Dominationi Vestrae Reverendissimae, quam Deus Optimus Maximusque ad vota secundet et felicissime conservet.