AAWO, AB, D. 67, f. 36v

Reverendissimo in Christo Patri, domino Ioanni Dantisco serenissimi regis Poloniae oratori apud caesaream maiestatem, domino ac patrono meo gratioso

AAWO, AB, D. 67, f. 35r

Reverendissime Domine, benefactor gratiose.

Praemissis continuis servitiis meis.

Ego hic exspecto adhuc litteras confirmationis Dominationis Vestrae Reverendissimae, quia, prout prius scripsi (verba sunt domini doctoris Boreck) nequaquam intromissio in episcopatum fieri debet, nisi habita prius confirmatione. Quam ubi habuero, statim volabo illuc et faciam, prout litteris suis mihi commisit Dominatio Vestra Reverendissima.

Cras hinc equos meos praemittam, quo illic cum adero, habeam eos pro meo usu relicturusque sum eos, cum redeundum erit, illic apud amicos meos. Si auderem, mallem in Antiquo Castro aut Papau, quia vicinius esset, sed de his coram. Interim in Meua, Rogenhaussen aut alias esse poterunt. Habemus enim nos servitores reginalis maiestatis plus libertatis in eiusmodi missione equorum, quam regiae maiestatis aulici. Haec fiunt, quia avena carissima est Cracoviae.

Effeci hic, ut Dominatio Vestra Reverendissima habebit servitorem omnium voto dexterum, praesertim dominorum Prutepnorum, illum Albertum Trzebski, de quo prius scripsi, speroque eum Dominationi Vestrae Reverendissimae placiturum, immo dicere ausim sed ante Maium non sperat se hinc posse absolvere. Intelligo ipsius stipendium his temporibus esse 40 florenos annuo praeter accidentias non paucas. Utcumque est, cum Dominatio Vestra Reverendissima aderit, coram latius de his. Brevi enim hic Dominationem Vestram Reverendissimara affuturam spero, utinam feliciter.

Stipendium Dominationis Vestrae Reverendissimae 670 florenos solutum est opera maiestatis reginalis. Ego his rebus quantum profuerim, coram palam erit. Prima huius, ni fallor, hinc scripsit Georgius Hegel de percepto illo stipendio. Sine dubio iam litterae redditae sunt Dominationi Vestrae Reverendissimae.

AAWO, AB, D. 67, f. 35v

Dominus Fabianus Czem, qui hic cum 6 equis bene instructus hidden by binding⌈[s]s hidden by binding⌉ maiestati regiae servit, sed 4 tantum inscriptos habet, saepe Dominationem Vestram Reverendissimam meminit, dicens de multis beneficiis in se collatis, offerens se semper honori et rebus Dominationis Vestrae Reverendissimae affuturum hidden by binding⌈[m]m hidden by binding⌉. „10 - inquit - miliaria obviam ibo domino Dantisco, cum venire hidden by binding⌈[e]e hidden by binding⌉ eum intellexero”. Dixit mihi hoc idem dominus Achacius, similiter et Echler ac alii nonnulli. Scripsi nuper domino de Baysen, domino Czem et domino Ludovico de Mortangen et litteris meis inserui clausulas illas, quas Dominatio Vestra Reverendissima humanissime de illis mihi scripsit. Certum est illis eum affectum Dominationis Vestrae Reverendissimae futurum summo gaudio.

Nil restat dignum scitu, donec litteras a Dominatione Vestra Reverendissima habuero hidden by binding⌈[o]o hidden by binding⌉. Ivissem in Prussiam pro conquirendis pecuniis, nec dubito me illic a domino Czema ac dominis canonicis certo pecuniam habuisse. De domino Philippo Holkener etiam bene spero, sed noluit maiestas reginalis, ut irem, nisi habita prius confirmatione. Scribere me iussit illuc. Verum cum nil scriptis sperarem me posse efficere, non scripsi, praesertim habens spem de solutione stipendii. Quam tandem obtinuimus. Unde supra 2000 florenorum iam habeat Dominatio Vestra Reverendissima.

B Lazarus ex Goląbiis nuper etiam 100 florenos superinscribed⌈florenosflorenos superinscribed⌉ vel supra huc attulit. Excusavit se coram me, cur per Bernhardum non scripserit. Ita, ut ipse dicit, satis honesta videtur excusatio. Supplicat etiam, ne Dominatio Vestra Reverendissima facile hidden by binding⌈[le]le hidden by binding⌉ credat omnibus, qui male de illo sentiunt. Daturum se pollicetur plenam rationem de omnibus coram Dominatione Vestra Reverendissima.

Nova haec sunt. Post obitum ducis Constantini fere omnes primi domini Lituani praeter palatinum Vilnensem huc hidden by binding⌈[c]c hidden by binding⌉ venerunt rogantque indies pro palatinatu Trocensi. AAWO, AB, D. 67, f. 36r Cui dabitur ms. datibitur(!) ⌈dabiturdabitur ms. datibitur(!) ⌉, adhuc nescimus.

Ante biduum huc appulerunt 3 oratores Ungari, inter quos solum longum monachum illum nosco, profecturi Poznaniam. Dominus Laski cras etiam hic exspectatur, qui etiam illic esse debet. Miror, quare tantum morantur, cum dies conventionis pro festo Sancti Michaëlis sit instituta.

Dominus Vilhelmus Baro, magister stabuli maiestatis reginalis, saepe multis litteris Dominationis Vestrae Reverendissimae commendatus, rogavit me, ut de illo in his mentionem facerem, quo Dominatio Vestra Reverendissima illius meminerit, ut tandem salvum conductum habere hidden by binding⌈[e]e hidden by binding⌉ possit pro reditu suo in regnum Neapolitanum. 7 annis dicit se iam hic servivisse. Certum habeat Dominatio Vestra Reverendissima, si quid beneficii in eum conferet, optimo homini et maiestati reginali gratissimo id factum putet.

Dominus Alexander musicus, qui cum Dominatione Vestra Reverendissima in Italia fuit, summis laudibus extollit illam. Libenter auditur a maiestate sua. Solentque huiusmodi homines et prodesse et obesse, quando volunt, sed hic totus est Dantiscanus.

Scripsit mihi Dominatio Vestra Reverendissima, ut domino thesaurario promitterem eius nomine munus exoticum, sed cum non videbatur esse necesse, nec unum verbum de munere feci, saltem sas salutavi et, ut in superinscribed in place of crossed-out de⌈deinin superinscribed in place of crossed-out de⌉ solutione stipendii se facilem exhiberet, rogavi. Quod se facturum pollicitus est libenter. Fecit hoc idem dominus Cracoviensis et dominus Choienski.

Oratores hinc missi, qui iam Poznaniae exspectant, sunt: castellanus Cracoviensis, palatinus Cracoviensis, comes de Tarnow, qui filiam domini castellani Cracoviensis duxit, dominus Choienski. Utinam inter hos reges pacem faciant, sed non dubito, quin latius alii hinc Dominationi Vestrae Reverendissimae de his scripserunt. Ego tamen omittere nolui, quo officio meo satisfieret. Iterum me commendo gratiae Dominationis Vestrae Reverendissimae, quam brevi Deus Optimus Maximus salvam nobis restituat.

Ex Cracovia, 4 Octobris 1530.

Eiusdem Dominationis Vestrae Reverendissimae servitor Fabianus Woianowski