» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #5653

Johann TYMMERMANN to Ioannes DANTISCUS
Frauenburg (Frombork), 1539-04-14
            received [1539]-04-16

Manuscript sources:
1fair copy in Latin, autograph, AAWO, AB, D. 68, f. 232

Auxiliary sources:
1register in German, 20th-century, B. PAU-PAN, 8249 (TK 11), f. 47

 

Text & apparatus & commentaryPlain textText & commentaryText & apparatus

 

AAWO, AB, D. 68, f. 232v

Reverendissimo in Christo Patri et Domino, domino Ioanni Dei gratia episcopo Warmiensi, domino meo clementissimo et gratioso

AAWO, AB, D. 68, f. 232r

Post obsequiorum meorum exhibitionem. Reverendissime Domine, domine colendissime et gratiose.

Instructio supplicationis contra Reverendissimae Dominationis Vestrae immo ecclesiae suae et multorum bonorum virorum adversarium mihi missa summe placet. Contuli super hoc cum venerabili domino Achatio administratori Allenstein nunc hic agente, videtur adhuc aliquid addendum hac septimana immo infra duos vel tres dies. Eam ob causam dominus administrator hinc in Allenstein redeundo ad Reverendissimam Dominationem Vestram divertet, secum afferet instructionem illam cu addictionibus auctam referetque nonnulla alia, quae communem hostem concernunt. Rogo Reverendissimam Dominationem Vestram, dignetur paterne eousque nuntii in Urbem mittendi expeditionem differre.

Coqua seu focaria Alexandrina hinc etiam abiit in Gdanum, quam aliquot diebus domini doctoris Nicolai istic praecesserat. Sine dubio, nisi serio, ut coeptum est, resistatur, rediturae sunt. Non dubito Reverendissimam Dominationem Vestram infracto animo negotium dignum tanto praesule in gloriam Dei felicibus auspiciis coeptum prosecuturam.

Litterae praesentibus annexae heri mihi redditae fuerunt Reverendissimae Dominationi Vestrae reddendae. Commendo me favori et gratiae Reverendissimae Dominationis Vestrae, quam misericors Deus in longum felicissime conservare dignetur.

Ex Warmia, 14-a Aprilis 1539.

Eiusdem Reverendissimae Dominationis Vestrae obsequentissimus Ioannes Tymermann

Postscript:

Unum Reverendissimam Dominationem Vestram rogo, ne reverendissimus dominus Culmensis de expeditionibus contra Alexandrum instituendis quaepiam se<c>rete faciat(?), nam utitur, ut mihi videtur, in hac causa consilio suo, habet enim hodie ex Lubavia missum hinc nuntium suum apud ipsum Alexandrum.