» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #5813

Achatius TRENCK to Ioannes DANTISCUS
Allenstein (Olsztyn), 1538-10-07
            received [1538]-10-09

Manuscript sources:
1fair copy in Latin, autograph, BK, 230, p. 63-64

 

Text & apparatus & commentaryPlain textText & commentaryText & apparatus

 

Reverendissimo in Christo Patri et Domino, domino Ioanni Dei gratia episcopo Warmiensi etc., domino suo gratioso ac clementissimo

Reverendissime in Christo Pater et Domine, domine gratiose ac clementissime.

Post humillimam servitiorum meorum exhibitionem.

Quomodo res nostra cum Masovitis agatur, Reverendissima Paternitas Vestra ex litteris reverendissimi domini episcopi Cracoviensis et domini Stanislai Hosii, ac ex ipso Donato coram Reverendissima Paternitas Vestra intelliget, si nobilis ille homo mendacissimus huc veniet, persuasu domini Hosii illum humaniter tractabo et si vexam equo valoris X vel XV marcarum redimere potero, non gravabor talem illi donare. Nihil tamen in hoc negotio, nisi consilio Reverendissimae Paternitatis Vestrae agam. Reliqua Donatus latius referet.

Me Reverendissimae Paternitati Vestrae quam humiliter totum commendo. Quam Deus Omnipotens diu nobis felicem ac incolumem conservare dignetur.

Datae Allenstein, die VII Octobris anno 1538.

Eiusdem Reverendissimae Paternitatis Vestrae deditissimus servitor Achacius de Trencka