Dem Erwyrdigen in Gott Herrn Johann von Gots gnaden byschoffen zu Colmenszehe etc., unszern gnedigen hern

Ehrwyrdyger in Gott Gnediger Herre.

Unszer gutwillige und behegliche dienste szeint Ewer Gnade allwege bevorann enthfollenn.

Gnediger herre. /

Ewer Gnaden jungste schriffte / meldende von derselbenn geliebten schwester / und ihrer schult und das unszer zuszag (wie Ewer Gnade berichtet) noch nicht folge gescheen. / Dergleichen von dem baw szo unszer burger Lorentz Northman Ewer Gnaden hawsze zu schaden und nochteil szol furgenhomen haben etc. an uns derselben beyder sachenn halbenn furderlich sÿnnende. / Wir dem ienigen das vorsprochen noch nochsettzen / und Lorentz Nordthman von szeÿnem furnhemen abhalten wolten etc. Haben wir alles mit zimlicher wirde enthfangen und fernern inhalts vornhomen / und szeint wol andechtich / der fleÿssigen redenn und gnedigen vorbitt / die durch Ewer Gnaden in unszer sprechkamer jenszmoll gescheen und ihrer schwester zcum besten eingelegt wart / und wes wir uns dotzumol Ewer Gnaden zcu szunderliche ...en zu wÿlfarenn / haben vornhonen lossen / wollen aber Ewer Gnaden nicht bergen das szo ... sachen g...kt / und unszer register / szunderlich die bücher in unszer kamereÿ ...s die g... gefurdert) underszucht / haben wir befunden / das erhmols etzlichen ... mittels / als ... erbarhen unde namhafftigen herren Philip Bÿsschoffe unszerm geliebter [bur]germeister / und Eg[g]ert von Kempen rathmane und kemerer / mit gedochter Ewer Gnaden sch[wes]ter underhandelu[ng] und rechenschafft derwegen gehalten / befholen wurden / die or... en... ...r sachen und zuspruch halben dohin getreffen das s... domit gentzlich szo wol des kanes ouch balen u... ...nug haben.

Das wir warlich Ewer Gnaden jenszmoll und ze... gethonen vorbitt wo wir uns alszo erinnert hetten) nicht wolten vorhaltenn ... alszo das die [s]ache ihre enthschafft billich gewonnen aber wie deme allen / ha[ben] [wi]r zur ubermolsz befholenn / die jenige rechenschafft / szo szeliger Jurgen Hannow in ... leben / de... uberreicht auffzuszuchen / und szo wir uns dorausz was ader w... / die treffen ...den belernet haben. /

Wollen wir Ewer Gnaden dasselbige wol zu... / und szeint dinstlichs vorhoffens Ewer Gnade werde uns / dieszes unszers anthwerts ni[cht] [den] in billigen wegen gnedicklich vormercken. / Was aber Lorentz Northman und szeÿnen baw betrifft haben wir uff Ewer Gnaden schreiben nicht underlossen szunder eÿnem unszern / burgermeister dorzu dreÿ personen unszers mittels dysz thuent / als den baw zubesichtigenn aufferlegt / und was befunden / das dem nockber schedelich ader sunst ungeburlich szein muchte. Wollen wÿr notturfftigen einsehens / das zur sachen thuen / das die gelegenheit und sust gutte nockberschafft erfurdert wirt. /

Welchs wir Ewer Gnaden (die wir Gothe szeliglich und lange geszunth befelen) uff szein schreiben dinstlichs andtwerts nicht haben willen bergen.

Datum zu Dantzick, freÿtages quinta Septembris anno Domini M-o D-o XXXIII-o.

Ewer Gnade dinstwÿllige [burgermeister und rathmane]