» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #629

Ioannes DANTISCUS to Piotr TOMICKI
Ghent (Gandavum), 1531-05-19


Manuscript sources:
1fair copy in Latin, autograph, BNW, BOZ, 2053, TG 12, No. 1462, f. 231-232
2copy in Latin, 16th-century, BJ, 6557, f. 324v
3copy in Latin, 16th-century, BK, 216, No. 114, f. 134v-135r
4copy in Latin, 16th-century, BNW, 12630, No. 114, f. 136v
5copy in Latin, 17th-century, BCz, 266, p. 259-260
6copy in Latin, 17th-century, BK, 227, No. 114, f. 125r-v
7copy in Latin, 18th-century, BCz, 46 (TN), No. 103, p. 439-440
8copy in Latin, 18th-century, BCz, 274, No. 193, p. 408
9copy in Latin, 18th-century, BCz, 267, p. 223-224

Auxiliary sources:
1register in Polish, 20th-century, B. PAU-PAN, 8246 (TK 8), f. 332

Prints:
1AT 13 No. 166, p. 167 (in extenso)

 

Text & apparatus & commentaryPlain textText & commentaryText & apparatus

 

Reverendissimo in Christo Patri et Domino, domino Petro Dei gratia episcopo Cracoviensi etc. [Reg]ni Poloniae vicecancellario, domino meo colendissimo.

Reverendissime in Christo Pater et Domine, Domine Colendissime. Debitam obsequiorum meorum commendationem.

Cum haec ex celeri et longa ad serenissimam maiestatem regiam scriptione fessus scribo, dabit Laconismo veniam, licet tantum sit, quod nunc scribo, perinde atque si nihil scriberem; produxi tamen calamum, ut saltem animum et meam in Dominationem Vestram Reverendissimam observantiam veterem non evanuisse, immo longe auctiorem factam cognoscat. Quae hic aguntur ex meis ad serenissimam regiam maiestatem accipiet; de me quid scribam aliud, quam quod iam tandem summopere ex hoc tam diuturno taedio redire desidero atque efflagito, ad quod quantum Dominatio Vestra Reverendissima potest, pro illa quondam in me gratia, qua me singulariter prosecuta fuit semper, operam suam impendat. Iam enim tot me in dies ultra menstruam provisionem implicans debitis, ulterius hic nequaquam subsistere potero neque id, si haec non subesset necessitas, salva con<s>cientia diutius licet. Annus praeteriit, quo pastor factus oves meas non viderim, instat et consecrationis munus, quod a nemine libentius, quam a Dominatione Vestra Reverendissima suscipere velim, quam igitur impense rogo, agat apud serenissimam regiam maiestatem, ut tandem redire et officio meo satisfacere possim; satius fuisset non praeficere, quam praefectum a munere suo arcere. Christus dominus noster Dominationem Vestram Reverendissimam pro summa mea consolatione quam diutissime salvam et incolumem precor conservet.

Ex Gandavo Flandriae, 19 Maii anno 1531

Dominationis Vestrae Reverendissimae addictissimus Ioannes Dantiscus, confirmatus episcopus Culmensis