List #681
Stanisław CYPSER do Ioannes DANTISCUSAntwerp, 1531-09-09
Rękopiśmienne podstawy źródłowe:
Pomocnicze podstawy źródłowe:
| ||||||
Tekst + aparat krytyczny + komentarzZwykły tekstTekst + komentarzTekst + aparat krytyczny
Reverendissimo in Christo Domino, domino Iohanni, Dei gratia episcopo Cul[mensi serenissimi Sigismundi] regis [Poloniae etc. secretario] et o[ratori] etc. etc.
Reverendissime Domine, domine gratiosissime.
Post meorum servitiorum recommendationem.
Mitto istum nuntium ad Reverendissimam Dominationem Vestram, quia in duobus vel tribus diebus post data volo ire Poloniam vel Cracoviam. Ideo, si Reverendissima Dominatio Vestra vult scribere regiae maiestati vel reginali maiestati vel magnifico domino castellano Cracoviensi, Reverendissima Dominatio Vestra scribat et mihi istas litteras per istum nuntium mittat. Et rogo, Reverendissima Dominatio Vestra scribat in litteris datam in vigilia vel in die Sanctae Crucis Exaltationis. Et si caesarea maiestas subscripsit se in mea littera, tunc rogo dignetur mihi etiam per praesentium ostensorem mittere. Si autem nondum littera est parata, tunc rogo Reverendissima Dominatio Vestra dignetur habere in memoria et eam litteram mihi mittere per dominum Rodolffum Gerssdorff, cubicularium regium.
Ego in quibuscumque Reverendissimae Dominationi Vestrae servire possum, omnia ad mandata et placita Reverendissimae Dominationis Vestrae facere volo tamquam domino meo gratiosissimo. Cuius gratiae ac favoribus iterum atque iterum me commendo.
Datum Andorpiae, nona die mensis Septembris anno 1531.
Eiusdem Reverendissimae Dominationis Vestrae servitor Stanislaus Czipsser manu propria
Postscript:
Etiam, Reverendissime Domine, mitto domino Gerssdorff 20 florenos Rinenses, prout me Brussellae rogavit, ut sibi eos in mutuum darem, quia pecuniarum parum pro expensis haberet. Et mitto eos 20 florenos per praesentium ostensorem. Rogo, ut mihi mitteret litteram vel chirographum suum, quod talem pecuniam a me in mutuum accepit.