Reverendissimo in Christo patri et domino, domino Ioanni Dantisco episcopo Culmensi etc. domino meo observandissimo

In curia serenissimi regis Poloniae

Item die 21 Martii intravit Alexandriam. Ante imperat[or]em procedebat filius ducis Sabaudiae, introductus in quoddam palatium pro parte dirutum, ubi videbantur arma imperatoris, videlicet aquila, sub cuius pedibus arma ducis Mediolani cum rythmo: Sub umbra alarum tuarum protege nos etc. In aula subtus cameram imperatoris videbantur arma summi pontificis, imperatoris, regis Romanorum, Prosperis de Colonna, margravii de Gwascho, Anthonii de Levi, don Ferdinandi de Gonzaga, fratris ducis Mantuani, Alexandri de Bentivoliis.

Item Alexandriae omnes soldati Alemani sunt licentiati. Item illorum generalis capitaneus comes de Thanis effectus est, ut fertur, civitatis Ratisponae capitaneus generalis.

Item Dominica Laetare imperator promisit duci Mediolanensi antiquiorem filiam regis Daciae Christierni in uxorem, quae duci debet in Galiam, verum per tres aut quattuor annos debet se adhuc continere, quoad fuerit nubilis etc.

Item dux Mediolanensis exhibuit multas humanitates caesareae maiestati. Item dedit victualia et omnia necessaria in eius curta.

Item 28 Martii intravit caesar Genuam hora sexta post meridiem. Ante ingressum exivit ei obviam sex miliaria Itali<c>a Andreas Dorio cum nepote, cardinale de Genua.

Item Genuenses miserunt eidem obviam diversos magnates cum tunicis nigris de veluto.

Item in burgo, hoc est in der Vorstadt, obviaverunt caesari: legatus pontificis, videlicet cardinalis Sanctorum Quattuor, cum cardinale de Mantua.

Item post illos principalis seu dux Genuensis annosus cum XXVIII senatoribus im brun carmesyn gecledet cum eorum famulis simili modo cum sericis vestibus vestitis cum s<c>eptris argenteis obviam venerunt. Item obviaverunt eidem et suis per aquas XXVI galleae.

Item in medio duorum cardinalium, Sanctorum Quattuor ac Mantuani, caesar ire visus est, habens vestem albam auratam. Ante eum equitavit dux Sabaudiae iunior, retro caesarem cardinalis de Genu[a] cum nonnullis episcopis.

Item erat fabricatus arcus triumphalis optimo ordine. Ibidem videbantur sedere octo antiqui nobiles Genuenses in dextra in vestibus sericis seu carmisim. Habuerunt penes se caelum auratum.

Item in parte sinistra in quod{d}am loco alto in arco triumphali quaedam puella annorum duodecim, veste aurata multum ornata, fecit orationem pulcherrimam, quam imperator videns et audiens finem illius, orans cum duobus cardinalibus, exspectabat. Haec verba videbantur in arco triumphali: Carolo Quinto imperatori semper augusto, Christianae pacis auctori, Genua libera.

Deinde introductus caesar in palatium Andreae Verii(!) multum insigne cameris et horto. Supra portam dicti palatii haec verba legebantur: Divino munere Andreas de Dorio Cenae sacrae regiae maiestatis Caroli imperatoris catholici maximi et invictissimi Francis[ci] primi Francorum regis, patriae classis triennium IIII-or praefectus, ut maximo labore, fesso corpore, honesto otio quiesceret, aed[es] sibi et successoribus instauravit anno etc. XXVIIII.

Andreas Dorio habet annos LXX et portat barbam grise[am], prolixam. Postea gunger loes XXXIX galleiden und L grothe schepe, quando visus est intrare caesar palatium dicti capitanei.

Item Dominica Iudica dedit caesar Andreae Dorio aureum vell[us] et praecessit proxime caesarem eundo versus ecclesiam. Item habet a caesare annuatim LXXX milia ducatorum et a pontific[e] XXX milia pro stipendio.

Item quod fuit in Graecia et Turckia, verum est. XXXIX galeas habuit cum XXXVIII aliis grossis navibus et VIII milia soldatorum peditum. Cepit civitatem maritimam Coronam videlicet cum castro Petimiensi, quam civitatem cum castro munivit, quod Turkarum rex nihil facere ac temptare poterit. Alia castra et oppida penitus disrupit.

Item Genuae vidi bombardas longitudinis XVIII pedum, latitudine quasi trium, quas ex Turckia vexerat.

Item feria 3-a post Palmarum, post meridiem, caesar intravit na<v>im. Habuit XXXIII galeas et XXX naves grossas, quae tunc cum eorum tormentis bellicis officium fecerunt et prima nocte Saonae pernoctavit.

Item quod Mediolani videbantur in foribus summae ecclesiae haec ea affixa: Post profligatos Turcas rei publicae pace data Italiae, reno ... foedere iuncta Tuo, optime caesar, hanc urbem multis bellis afflictam et dirutam fove et adiuva. Postea ductus ad castrum, traditis sibi clavibus eiusdem, omnes de guardia ducis exiverunt ac ipsius caesareae maiestatis guardiam intromiserunt, clamantes per totam civitatem: Vive, imperator et Imperium, Maria, Maria.