Correspondence between Dantiscus and Łukasz of Ciechanów
List
Database
Full text
Results found: 1 preserved: 1 + lost: 0 1 | IDL 1010 | Łukasz of Ciechanów to Ioannes DANTISCUS, Płock, 1533-09-26 | received [1533]-09-28
Manuscript sources: 1 | fair copy in Latin, BCz, 243, p. 333-334
|
| Text & apparatus & commentaryPlain textText & commentaryText & apparatus
BCz, 243, p. 334
Reverendissimo in Christo Patri et Domino, domino Iohanni Dei gratia episcopo Culmensi dignissimo, domino suo colendissimo
Proficiscitur ad Reverendissimam Paternitatem Vestram praesentium exhibitor Petrus Canigowski, adolescens nobilis, famulitio Dominationis Vestrae Reverendissimae addictus. Qui cum id a me peteret, ut illum Reverendissimae Dominationi Vestrae commendarem, id homini digno commendatione et bene merito denegare non licuit. Is namque aliquamdiu mecum exsistens mansuetudini illectus ac virtuti, fidum in omnibus, diligentem ac sincerum se mihi servitorem exhibuit, q(?)(ui)d(em) bono nomine dignus sit et commendatione. Quocirca Reverendissimam Paternitatem Vestram humillima prece exoro, dignetur eundem numero servitorum suorum annumerare et gratia sua amplecti eoque loco, quod illi assignare dignata est, in curia sua non frustrare.
Qui si umquam Dominationi Vestrae Reverendissimae vel eius servitoribus meritis meis servire potero, offero me ad mandata benevolentem et deditissimum. Cuius gratiae et benignitati me commendo
cupien(s) or cupien(do)⌈cupien(s)cupien(s) or cupien(do)⌉,
ut illam Deus maximus sane et felicissime in ea dignissima sacerdotii apice confovere et conservare ac ad maiora tandem exaltare dignetur. Pro quo mihi et meae toti congregationi non deerit oratio indefessa.
Ex Ploczka, die XXVI Septembris anno Domini M-o D-o XXXIII-o.
Eiusdem Reverendissimae Dominationis Vestrae servitor, doctor Lucas abbas Plocensis, archidiaconus Dobrinensis minimus
| |
|