AAWO, AB, D. 67, f. 37v

Reverendissimo in Christo Patri Domino, domino Ioanni Dantisco Dei gratia electo Culmensi etc., amico et fratri suo carissimo

AAWO, AB, D. 67, f. 37r

Reverendissime Domine, domine frater et amice admodum carissime.

Sui commendatione praemissa.

Sanitatem Vestrae Dominationis Reverendissimae his meis scriptis viso, quam illi in multos faustosque dies pro voto succedere precor. Iam aliquotiens postulavi scriptis meis Vestram Paternitatem Reverendissimam, ut me de meis negotiis, quid cum eis illic agitur, certum redderet, nec usquemodo responsum habui. Propterea eandem summopere rogo, ut de meis rebus certum me efficere non gravetur, qualiter procedunt et si bonum suscipient finem. Et cum iam facto expeditae erunt, oro, ut quamprimum habere possim. Rem in hoc mihi admodum gratissimam factura et proinde quicquid iubebit recompensae acceptura.

Valeat optime ac felicissime Vestra Dominatio Reverendissima meque solito amet.

Dat(ae) or Dat(um)⌈Dat(ae)Dat(ae) or Dat(um)⌉ in Dzisny, die 3 Septembris, anno Domini M-o D-o XXX-o.

Albertus Gastoldus palatinus Vilnensis, Magni Ducatus Lithuaniae cancellarius

AAWO, AB, D.67, f. 103v

Reverendissimo in Christo Patri, Domino Ioanni Dantisco, Dei gratia episcopo Culmensi or paper damaged⌈[or]or paper damaged⌉atori s(erenissimae) maiestatis regiae Poloniae etc. amico carissimo ac honorando

AAWO, AB, D.67, f. 103r

Reverendissime in Christo Pater.

Accepi ex litteris Reverendissimae Paternitatis Vestrae, quod expediverit mihi denuo privilegium a caesarea maiestate et miserit ad manus domini Nicolai Nipsicz. Exspecto igitur in dies alacer, magni enim mihi est id officium Reverendissimae Paternitatis Vestrae, cui magnas habeo agoque gratias, erit autem mihi studio, ut et referre id aliqua ex parte ei umquam possim.

Nunc vero dignabitur Reverendissima Paternitas Vestra grato accipere animo ea, quae impraesentiarum misi medio eiusdem domini Nicolai N(ipsicz), quamvis exigua et non tanta, ut iuste correspondeant officio Reverendissimae Paternitatis Vestrae. Curabo, ut dixi in antea, efficere, q(uand)o uberior hanc animi mei gratitudinem demonstret effectus, pergat modo Reverendissima Paternitas Vestra, ut coepit, in promovendo nomine meo apud caesaream maiestatem et itidem apud fratrem eius regem Ferdinandum inferendo nonnumquam ex opportunitate recordationem mei.

Et identidem atque in primis ipsa apud se Reverendissima Paternitas Vestra non obliviscatur mei, sed caritate sua singulari complectatur me. Et optime diu atque felicissime, id quod ei faveo et deprecor, valeat.

E Byelsko, XIIII X-bris anno Domini MDXXXI.

Albertus Gastolth palatinus Vilnensis et cancellarius Magni Ducatus Lithuaniae