Ioannes

Unsere gnad zuvorann. / Erbar, liber, getrew[er].

Wir habnn Hans Hennemann, unsermm paur[en], gleit gebenn, / das in seinemm beywesen e... ersam rodt unser stat Wormenith sein gewant, / das wir habnn lossenn vorsper..., vorkowffen sol und in acht wochenn das ... do vor hie her uns antwurtenn , / der ... wir dir befelenn, / das du daruff thust seh[en], das solch vorkouffenn recht zughe und das g... der gestalt an uns hie her komme. / Darzu ... fleis, das dem so gesche. /

Datum aus unserm sloss Heilsberg, den XV Ianuarii MD X[L].

Unsern etc.

Wir habenn aus des edlenn, ernvhestenn hern Georgenn Schowcken schreibenn / vorstandenn, / wie du etwan in swaheit gefallenn, / do wir den mitleiden deinent halben getragenn. / Wie wir aber nu widder vornommen, das sich solche deine krancheit endert, / und zur gesuntheit niget, / seindt wir nicht wenig da durch erfreuet, / und thu dir die / vor Got dem almechtigenn, / der ein geber der gesuntheit ist, widderumb volkommen wunschenn. / Das du auch gerne zu uns in diesem zuge underwegens komen werest, / wirdt dismol nicht geschenn konnen, / den wir nicht unsern gewonlichenn weg, / sunder auf die Lobe, / dahin uns der her bischof von Colmenshe der gestalt geladenn, / das wir solchs nicht habenn vorsagen kunnen, / zihen werdenn. / Wirst derwegenn ihm heim zuge zu uns kegen Koningsdorf mit her Georgenn, / den du dahin freuntlich boreden wirst, das solches nicht von seiner herlichkeit abgeschlagen werde, / kommen. Wen aber solchs sein und geschenn soll, / wollen wir dich auss der tagfart von Graudentz lassen wissenn. / Gotlichenn genaden bovelenn.

Datum 20 Septembris 1546.