BCz, 1595, p. 628

Reverendissimo in Christo Patri et Domino, domino Ioanni Dei gratia episcopo Culmensi, domino colendissimo

BCz, 1595, p. 625

Reverendissime Domine, domine colendissime. Post servitutis meae commendationem.

Casu quodam evenit, ut se mihi, id quidem desideranti, materia ad Reverendissimam Dominationem Vestram scribendi offerret, nam dum hac hebdomada quidam mercator Florentinus litteras Hispano vulgari scriptas inter eundum invenisset nesciretque, cui inscriptae forent, illas aperuit et mihi ostendit. Agnovi mox titulum, licet obscurum, reliqua ex pauculis verborum sententiis, quae in litteris habentur, Reverendissimam Dominationem Vestram mihi declararunt eam esse, cui epistula scribebatur, quam ita, uti erat, acceptam Reverendissimae Dominationi Vestrae mitto, ne ex mora et tabellarii incuria aliquid orphanae illae, de qua scribit, eveniat detrimenti. Placuit mihi ex illis hoc intellexisse, quod Reverendissimam Dominatio Vestra, quemadmodum pro principibus suis, ita et in re propria nec tempus nec laborem perdidit exstantque varia ac viva gestorum suorum monumenta. Sed haec ioco et cum nemine altero praeter Reverendissimam Dominationem Vestram, quam unice amo et observare cupio.

Praeterea, mi Reverendissime Domine, sciat, quod ille, qui coadiutor Varmiensis esse voluit, scriptis suis hunc et illum contra Vestram Reverendissimam Dominationem sollicitat, ut in electione negotium suum inficere possit, quod facturum sperat, fretus nonnullorum loquacium assistentia. Itaque curare velit rem suam, praecipue in conciliandis sibi canonicorum Varmiensium votis, nam factu possibile est, quod in contrarium Reverendissimae Dominationis Vestrae eligent potius quemcumque ex nominatis per regiam maiestatem alium quam Vestram Dominationem Reverendissimam, iam enim iste subodoravit, quod ipse ad preces Vestrae Dominationis non nominabitur, ideo alio animum suum flexit, quae amico animo scripta et plurimum faventi Reverendissima Dominatio Vestra boni consulat ac ita, ut decet, secreta habeat rebusque suis providere velit.

Nova hic prorsus nulla, praecipue de pace inter Ungariae reges. Hoc certum est, quod rex Romanorum pacem cum Turcho per suos oratores factam per dominia sua omnia publicari fecit. Eius in Ungaria subditi et milites post exspiratas indutias a festo sancti Michaelis nihil penitus hostile contra subditos regis Ioannis faciunt, sed exspectatur dominus Ludovicus Gritti cum condicionibus pacis publicandis, quas videntur utriusque regis consiliarii ignorare, nisi eos pudeat illorum. Hoc pro comperto habemus, quod durissimae sunt pro rege Romanorum condiciones, tamen quando vana est sine viribus ira, speramus, quod illas non reiciet. BCz, 1595, p. 626 Andreae de Auria, quem Turchus nec pili faciebat, hucusque prospere successit, nihil tamen hac aestate Turcho eripuit praeter id, quod classem eius bis ipse fugavit, tertio peste extincta est adeo, quod nudae naves remanserunt. Nunc fertur Turchorum caesarem magnam contra illum classem expedivisse. Germani multa dicunt, quae ut sunt vana, ita esse vera nos desideramus. Alia non sunt.

Commendo me ex animo gratiae et amori Reverendissimae Dominationis Vestrae, quam diu felicem opto.

Cracoviae, nona Novembris anno 1533.

Reverendissimae Dominationis Vestrae servitor Carolus Ant(oniu)s de Monteciner(e) canonicus Plocensis scripsit

BCz, 244, p. 8

Eximie Domine, frater et amice carissime et honorande.

Litteras Dominationis Vestrae cum aliis inclusis et apertis ex Hispania uti ad me a Dominatione Vestra primas, ita gratiores et gratiori paper damaged⌈[i]i paper damaged⌉ animo accepi et perlegi. Neque mihi displicuit, quod Dominatio Vestra mecum iocatur. Cum eram parvulus, loquebar paper damaged⌈[ar]ar paper damaged⌉ et faciebam ut parvulus, quod iam per aetatem et professionem est prohibitum. Quod autem in Hispania mihi sint amici et amicitiae signa, mirari Dominatio Vestra non debet, scio et illa homini Italo in Polonia etiam non deesse. Si cui canis datur, illius est, cui datus est, quid si detur homo, non ingratior esse debet, opinio confirmat omnia, qua etiam et orbis regitur etc.

Quod mihi Dominatio Vestra scripsit de canonicis Varmiensibus, sic esse ad me etiam delatum ms. dalatum(!) ⌈delatumdelatum ms. dalatum(!) ⌉ est. Factura mihi est Dominatio Vestra rem gratissimam, si id ipsum ad notitiam reverendissimi domini nostri communis, episcopi Cracoviensis, perduxerit et apud illum negotium hoc in rem meam procuraverit. Sat sapienti. Desidero non parum Dominationem Vestram ex Ploczko hic apud me videre. Videret quaedam hic non visa prius meque suo adventu non vulgariter on the margin⌈non vulgariternon vulgariter on the margin⌉ exhilararet, quae ut cum tempore maturet, fraterne rogo et obsecro et Dominationem Vestram quam diutissime bene valere opto.

Ex castro Lubaviensi, Ianuarii anno Domini M-o D-o XXXIIII.