AAWO, AB, A 2, f. 58r

Mandats brif an die amptleuth von wegenn der gemeinen contribution und darlege in gemeiner tagfart zu Marienburg angesatzet.

Unsernn etc.

Was in negst gehaltener tagfarth zu Marienburg von den hern redten neben uns / wegenn dieser lande und unser underthann nutz und bestenn / in abfertigung der statlichenn botschaft an die junge und alte ko(nigliche) m(ajeste)t, und zu deren ausrichtung von allenn stendenn dieses koninglichen orts vorwilligten und angesatzter steur ist geschlossenn worden, / wirstu aus hiebei vorwartem unserm edict und bovel vornemenn. / Welches, dieweil esz sher notwendig, und viel daran gelegenn ist, / wollenn und bovelenn wir, / das esz aufs erste von dir publiciirt, / und allenn unsernn underthann in unserm camerampt under dir, wes standes die sein, / geistlich ader vom adel, / so wol under uns gesessenn, / als die anderswo wonen, und dennoch gutter und written over s⌈sdd written over s⌉er uns habenn, auch unser stadt n(amhaftigen) radt und einwonernn, / neben allen freienn schultzenn und paurenn daselbest, / kundt gethann und vorgelesenn werde, / auf das in ernanter und angesatzter czeit solche steur in unserm bovelich ausgedrucket / von einem iderenn / in deine hende und vorwarung, / uns weiter zuuberantwortenn, / moge abgelegt werden. / Daran geschicht von dir unser volko(m)ne meinung und ernster bovel. /

Dat(um) a(us) u(nserm) s(chlosse) Heilsberg, den X Junii 1546.