Tekst #162
Council of Royal Prussia do Sigismund I JagiellonGraudenz (Grudziądz) [1537-10-04]
Regest angielski: The Prussian Council asks the King to offer his judgment on the Brandenburg Elector (Joachim II Hohenzollern) inviting Gdańsk Castellan Achatius von Zehmen to Berlin to discuss confidential matters of great importance. During the assembly in Grudziądz, von Zehmen asked the Prussian Council for advice as to how he should react to the Elector’s summons. Because the Elector’s letter suggested that the matters in question concerned lands ruled by the Polish King, the Council proposed that von Zehmen notify the King and ask him for instructions as to the planned talks. The Prussian Council asks the King to inform von Zehmen of his will; von Zehmen will await an answer in Poznań until October 21.
Rękopiśmienne podstawy źródłowe:
| 1 | |
| 2 | |
| 3 |
Publikacje:
| 1 | CEID 1/1 |
Tekst + aparat krytyczny + komentarzZwykły tekstTekst + komentarzTekst + aparat krytyczny
Serenissime Potentissimeque Rex et Domine, Domine clementissime. Humillimam et devotissimam servitiorum nostrorum commendationem.
In hoc hic nostro conventu amicus noster generosus dominus Achacius Zceme castellanus Gdanensis accepit litteras illustrissimi principis electoris et marchionis Brandenburgensis per nuntium proprium intra paucos dies ex Berolinio huc missas, quibus ab eo postulat, ut, quantum possit citius, se ad eius illustrissimam dominationem conferat ob quaedam archana et secreta negotia, quae ei communicare et credere, et in iis opera eius secretissime uti decrevit. Qua in re dominus castellanus sub amica inter nos fiducia consilium a nobis sibi impartiri summopere rogavit, quod pro temporis angustia reique ratione istiusmodi ei dedimus, ut in primis eam vocationem illustrissimi domini electoris in notitiam Serenissimae Maiestatis Vestrae deduceret atque pro XXI huius mensis Serenissimae Maiestatis Vestrae voluntatem Posnaniae operiretur, ut, si quid forsan per eum Serenissima Maiestas Vestra illustrissimo domino electori referri vellet, mandata reciperet. Cognovimus siquidem ex eisdem vocationis litteris, quod res quasdam arduas et fortassis ipsam Serenissimam Maiestatem Vestram et has terras contingentes agere et tractare per eum habeat. Ut igitur Serenissima Maiestas Vestra eum intra praescriptum tempus de mente sua certiorem reddat, hancque nostram dispicientiam(!) clementer boni consulat, humillime nos in gratiam Serenissimae Maiestatis Vestrae commendantes, rogamus.
Dominus Deus eandem Serenissimam Maiestatem Vestram in valetudine prosperrima omniumque rerum felicissimo successu quam diutissime promoveat et conservet.