BCz, 1601, p. 7

Carolus divina favente clementia etc. Romanorum rex f(elix), imperator semper augustus, rex Hispaniarum utriusque Siciliae, Hierusalem, insularum Balearium, insularum Canariae et Indiarum ac terrae firmae maris oceani, archidux Austriae, dux Burgundiae, Brabantiae, Styriae, Carinthiae, Carniolae, Limburgiae, Lucenburgiae, Athenarum et Neopatriae etc., comes Hepsburgensis, Flandriae, Tirolis, Burgundiae, palatinus Hannoniae, Ferreti, Rossilionis etc., landgravius Alsatiae, princeps Sueuiae, dominus in Asia et Aphrica

Cum honorabilis sincere nobis dilectus Ioannes Dantiscus, serenissimi principis, domini Sigismundi regis Poloniae er magni ducis Lituaniae etc., fratris nostri carissimi, apud nos oratorem egerit et in praesentia in Poloniam ad regem suum revertatur, nosque, ut par est, cupiamus illi iter tutum et securum ubique patere, rogamus serenissimum regem Francorum, fratrem nostrum carissimum, atque eius officiales ac ceteros subditos requirendo, universis autem et singulis principibus, archiepiscopis, episcopis, ducibus, marchionibus, landtgraviis, comitibus, baronibus, nobilibus, vice domibus, capitaneis urbium, arcium, pontium et quorumcumque passuum custodibus, iudicibus, burgimagistris, consulibus, civibus et aliis quibuscumque officialibus nobis et sacri imperii mediate vel immediate subditis fidelibus dilectis, quocumque nomine nuncupantur, et cuiuscumque status, gradus et condicionis exsistant, qui praesentibus requisiti fuerint, praecipimus et districte mandamus, quatenus eundem Ioannem Dantiscum per omnia et quaecumque loca terrestria et aquatica absque alicuius oneris realis et personalis solutione die noctuque tute, libere et secure et absque alicuius impedimento cum equis, famulis, bulgetis et sarcinis suis omnibus ire, transire, redire, stare, morari permittant et ab aliis permitti faciant, illique nostri intuitu de guidis et cohorte conductoria, quotiens requisiverit, pro licito et honesto pretio provideant eumque in aliis omnibus benigne tractent ac tamquam personam nobis acceptam commendatum habeant, facturi in eo rem gratissimam omni vicissitudine in similibus et maioribus recognoscendam, subditi vero nostri expressam voluntatem nostram exsecuturi. Harum testimonio litterarum sigilli nostri secreti impressione munitarum.

Dat(ae) or Dat(um)>⌈Dat(ae)Dat(ae) or Dat(um)>⌉ in civitate nostra Barchinone, die quinta decima mensis Semtembris anno Domini millesimo quingentesimo decimo nono, regnorum nostrorum Romani ac electioni imperii primo, aliorum tamen regnorum quarto.

Charles

Ad mandatum caesareae et catholicae maiestatis proprium

Hannart subscripsit manu propria