Per imperatorem

Universis regibus, ducibus, principibus, archiepiscopis, episcopis, marchionibus, comitibus, marschalcis, seneschallis, praefectis, capitaneis arcium, pontium, portuum, custodibus rerum publicarum, oppidorum, magistratibus, exercituum pedestrium et equestrium decurionibus eorum vicem gerentibus ac deinque omnibus et singulis in Christo fidelibus subditis et non subditis nostris salutem. Vobis, subditis nostris, mandamus, ceteros vero non subditos requirimus et hortamur, ut praestantem virum magistrum Ioannem Dantiscum, serenissimi Poloniae regis, consanguinei et fratris nostri, secretarium et ad nos oratorem, cum ad vos, provincias et loca iurisdictioni aut custodiae vestrae credita cum suis famulis et servitoribus cumque eorum bonis, equis, facultatibus, pecuniis et rebus quibuscumque terra navigiove applicuerint, benigne excipiatis omnique humanitate, commercio et convictu impartiamini et adiuvetis suo tolerabili sumptu, sive consistere, sive progredi eos contingat, non sinentes ipsos aut eorum quemquam in rebus, corpore, facultatibus et bonis a quoque spoliari, molestari vel in stain⌈[in]in stain⌉vadi, sed, si a vobis exigerint itineris duces, ipsis consignetis et consignare velitis. Ita vos praemissis gerentes, quema stain⌈[uema]uema stain⌉dmodum a nobis vos, non subditi nostri, fieri cuperetis, vos vero, subditi nostri, ut meritam obsequentiae vestrae commend stain⌈[end]end stain⌉ationem a nobis recipere mereamini, quoniam nobis ita libitum est.