» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Text #312

 Sigismund I Jagiellon to Mercurino Arborio di GATTINARA
Radom [ca. 1528-02-28]
Manuscript sources:
1copy in Latin, 16th-century, BJ, 6557, f. 350r-v

 

Text & apparatus & commentaryPlain textText & commentaryText & apparatus

 

BJ, 6557, p. 350r

Sigismundus primus rex Poloniae Mercurino de Gatinaria cancellario caesaris

Illustris et Magnifice Domine, amice noster dilecte.

Ioannes Dantiscus secretarius noster fidelis dilectus egregie et ex sententia defunctus est officio servitutis suae istic apud caesaream maiestatem in his rebus, quas illi curandas mandaveramus. Quas ita ut transactae sunt, tametsi ex litteris huc ad nos scriptis abunde intellexerimus, tamen ex ipso cetera coram cognoscere avide cupimus, et eam ob rem eum huc ad nos accersere et istinc revocare nobiscum constituimus. Nec etiam ignoramus operam Illustritatis Tuae istic apud caesaream maiestatem nobis multum profuisse et proinde agimus et habemus illi magnas gratias, quas per omnem occasionem omni studio et gratificatione nostra referre illi curabimus.

Rogamus autem Illustritatem Tuam, obtineat eidem oratori et secretario nostro benignam missionem et abitionem a caesarea maiestate, et hunc venerabilem Ioannem Levi<>cium cantorem Plocensem et secretarium nostrum, quem in BJ, 6557, p. 350v locum illius istuc misimus, ut esset, qui nobis caesareae maiestatis benevolentiam in dies conciliaret, commendatum habeat auctoritateque te favore suo foveat et complectatur. Quo officio reddet nos sibi Tua Illustritas plurimum devinctos et obnoxios.

Et optime valeat Tua Illustritas.

Datum in Radom etc.