Famosis praeconsulibus et consulibus Gedanensibus, fidelibus nostris dilectis

Alexander Dei gratia rex Poloniae, magnus dux Lithuaniae, Russiae Prussiaeque dominus et heres etc.

Famosi fideles dilecti

Industriam et facile ingenium honorabilis Iohannis de Curiis alias Flaxpinder, notarii nostri fidelis dilecti et concivis vestri considerantes intelligentesque eum affectuose scientiis velle dare operam, dummodo necessariis provisus esset, dedimus ei ad vos quittantiam. Pro tanto hortamur vos, extradatis sibi illam, prout futurum de vobis credimus, ea enim condicione secuta et nobis reique publicae nostrae, et vobis utilior erit. Ideo aliter non facturi.

Datae Cracoviae feria quinta proxima ante festum sancti Laurentii anno Domini millesimo quingentesimo quinto.

Commissio propria regiae maiestatis