Sigismundus Dei gratia rex Poloniae, magnus dux Lituaniae, Russiae Prussiaeque dominus et heres

Famosis praeconsuli et consulibus civitatis nostrae Gdanensis, fidelibus nostris dilectis gratiam regiam.

Famosi fideles nostri dilecti.

Commisimus nonnihil huic honorabili Ioanni Flaxbinder, scribae nostro, fideli dilecto, vobiscum nomine nostro conferre. Quapropter mandamus vobis, ut ei in omnibus, quae vobis nomine nostro dixerit et mandaverit, non secus quam nobis ipsis coram dicentibus et mandantibus credatis, aliter pro gratia nostra facere non ausuri.

Datum Cracoviae ipso die Sanctae Margaretae Virginis, anno Domini millesimo quingentesimo nono, regni vero nostri anno tertio.

Commissio propria regiae naiestatis