Sigismundus Dei gratia rex Poloniae, magnus dux Lituaniae, Russiae Prussiaeque dominus et heres

Universis et singulis tam spiritualibus quam saecularibus, praelatis in conventu praesenti Marienburgensi consistentibus, sincere et fidelibus nostris dilectis favorem et gratiam regiam.

Reverendi in Christo Patres, Magnifici, Generosi, Nobiles et Famosi sincere et fideles nostri dilecti.

Commisimus huic honorabili Ioanni Flaxbinder, notario nostro, fideli dilecto, nonnulla mentis nostrae desideria Sinceritatibus Vestris exponere. Hortamur itaque et mandamus, ut, quicquid idem nomine nostro Sinceritatibus Vestris dixerit, non secus quam nobis coram loquentibus credant, pro gratia nostra facturi.

Datum in Bresczye Lituanico, secunda die Augusti anno Domini millesimo quingentesimo undecimo, regni vero nostri quinto.

Commissio propria regiae maiestatis