APG, 300, D4, 617, p. [1]

Alexander Dei gratia rex Poloniae, magnus dux Lithuaniae, Russiae Prussiaeque dominus et heres etc.

Famosis praeconsuli et consulibus nostris Gedanensibus fidelibus dilectis gratiam regiam.

Famosi fideles nostri dilecti.

Mittimus in medium vestri honorabilem Ioannem de Curiis alias Flaxbinder, notarium nostrum fidelem dilectum in certis negotiis nostris Fidelitatibus Vestris proponendis. Itaque mandamus Fidelitatibus Vestris, quatenus, quidquid dixerit nomine nostro, eidem acsi nobis loquentibus fidem adhibeant, aliter non facturi pro gratia nosrta.

Datum Cracoviae, feria sexta infra octavam Nativitatis Gloriosissimae Virginis Mariae, anno Domini millesimo quingentesimo quinto, regni nostri anno quarto.

Commissio propria regiae maiestatis.

APG, 300, D/4, No 627, p. [2]

Famosis praeconsulibus et consulibus Gedanensibus, fidelibus nostris dilectis

APG, 300, D/4, No 627, p. [1]

Alexander Dei gratia rex Poloniae, magnus dux Lituaniae, Russiae Prussiaeque dominus et heres etc.

Famosi fideles nostri dilecti.

Dudum per honorabilem Ioannem de Curiis, notarium fidelem on the margin⌈fidelemfidelem on the margin⌉ nostrum, Vobis voluntatem notificavimus nostram et pro moneta, et pro bonis ad nos per mortem sterilium mortuorum civium vestrorum devolutis. Miramur tamen, quid sit, quod tanto tempore nobis non respondeatis, et idcirco, quoniam credimus notarium illum nostrum iam excessisse Italiam versus, uti accinxerat se iturum. Vestras ergo Fidelitates hortamur mandamusque, quatenus monetas nostras regnique nostri recipiant et recipi praecipiant in civitate nostra Gedanensi. Si secus fecerint, intelligant, quanta inconvenientia esset nos ferre, quod vos ipsi, subditi existentes nostri, contemneretis maiestatis nostrae numisma in medientibus, cum illi in exteris locis ubique remotioribus receptibiles fuerint.

Qua in re volumus et mandamus, quatenus pro conventione generali in Lublin, uti binas vobis scripsimus litteras, futura certa vestra diffinita responsa nobis mittere debeatis. Simul tunc etiam nobis mittant Fidelitates Vestrae bonorum ad nos ex morte civis sterilis devolutorum aut valorem, aut ipsa bona consignent in manus nobilis Mathiae Czimerman praeconsulis et burgrabii Gedanensis et in civitate eadem nostra officialis specialis regni nostri. Sciant autem, quia ius illud regium nequaquam negligere volumus neque possumus, cum illud fuerit proprie ius recogniti imperii regni nostri sic in regno nostro, uti ubique locorum dominiorum Christianorum.

Dat(um) or Dat(ae)⌈Dat(um)Dat(um) or Dat(ae)⌉ in Grodno, Sabbato festi sanctae Luciae, anno Domini millesimo quingentesimo quinto, regni nostri quarto.

Commissio propria regiae maiestatis

APG, 300, D5, 649, p. [2]

Famosis praeconsulibus et consulibus civitatis nostri Gdanensis fidelibus dilectis

APG, 300, D5, 649, p. [1]

Quemadmodum honorabilis Ioannes Flaxpinder Dantiscus erat servitor serenissimi olim principis, domini Alexandri regis, germani et praedecessoris nostri, sic nos eum ex peregrinatione Iherosolimitana redeuntem cancellariae nostrae asscripsimus. Quoniam vero impraesentiarum Gdanum se contulit, itaque commendamus eum negotiaque illius vobis.

Datum Cracoviae, feria sexta post Cinerum anno Domini millesimo quingentesimo septimo, regni vero nostri anno primo.

Dominus rex per se

Thu kunth E. W., das hans Flaszbinder mith Ko. Ma. credentczbriffe bey mirhr ist geweszen

APG, 300, D, 5, 753

Sigismundus, Dei gratia rex Poloniae, magnus dux Lithuaniae, Russiae, Prussiaeque etc. dominus et heres.

Famosis Praeconsulibus et Consulibus civitatis nostrae Gedanensis, fidelibus nostris dilectis.

Gratiam regiam, famosi fideles nostri dilecti.

Veteranus servitor noster Iohannes Flaxbinder, concivis vester, coram nobis in querela exposuit, quomodo quidam Theodericus Falke temere eum in ius circumducit, propterea quod honestae Katherinae, Luce de Telghen relictae, quae filio eiusdem, notario nostro, causam hereditariam ad quam illa avia est, irrevocabiliter appropriavit, assistit et variis machinationibus persequitur. Quapropter eundem commendatum haben(do) vobis, quorum interest, ne cuipiam temere ea, quae iuris non essent, inferentur, te a committimus mandan(do), quatenus praefatum servitorem nostrum ab eiusmodi irritamentis et iniuriis defendatis et securum faciatis, ne ob eam causam, quae ad filium eius, et non ad eum spectat, quomodolibet impediatur. Sic factur(i) pro gratia nostra.

Dat(ae) Posnaniae, feria quinta ante Dominicam Invocavit proxima anno Domini millesimo quingentesimo tredecimo, regni vero nostri anno septimo.

Ad mandatum regiae maiestatis

Famosis praeconsulibus et consulibus civitatis nostrae Gdanensis, fidelibus nostris dilectis

Sigismundus Dei gratia rex Poloniae, magnus dux Lithuaniae, Russiae Prussiaeque etc. dominus et heres

Famosi fideles nobis dilecti.

Miramur vos de nobis aliud velle sentire, quam debeatis , et universi regni nostri subditi experiantur, nos scilicet iuribus civitatis istius nostrae, quam manutenemus, contravenire eademque impugnare, propterea quod controversiam vertentem inter Theodoricum Falke Hermanumque suum germanum ab una et Iohannem Flaxbinder notarium nostrum parte ab altera per scabinos civitatis istius et demum per vos decisam in conventu per nos statuendam in terris Prussiae, parte una, quod sit gravata, conquerente revidendam, si bene processum sit ac bene decretum, commisimus. Tametsi facile credimus, quod vos, qui ex auctoritate nostra istic praesidetis, iustitiam provide in universos exerceatis, tamen interesse nostra nemo sanae mentis dubitat, qui fastigio regio praesidemus (vobis dumtaxat dubitantibus), quod in universum teneamur cuilibet, tam magno, quam minimo, providere, ubi quis se gravatum conqueritur de iustitiae remedio, et nec credimus, quod communitatis mens exsistat, ut in hoc nostrae auctoritati a quopiam derogetur. Quandoquidem difficile esset cuicumque oppresso iustitiae suae aequabile moderamen assequi, si penes nos non esset plena auctoritas relicta pro cuiuslibet iustitia relevanda.

Certum habete, quod cum tam amplissimum regnum iustitia moderamur et inde laudamur, quod in istam quoque civitatem nostram, quam fidissimam semper praedecessoribus nostris et nobis fuisse compertum habemus et quam gratia prosequimur in incremetumque eius intendimus, nulla iniuria in suis emunitatibus efficere cogitamus, sed ipsam in gratia fovebimus et in emunitatibus pro viribus, quantum fert aequitas, conservabimus. Et nollemus, ut a quopiam vestrum de nobis aliud cuipiam persuaderi deberet, non ab re itaque illam controversiam ad conventum in Prussia celebrandum detulimus, ut per consiliarios terrarum Prussiae statuum omnium plane videatur, quod nos nonnisi ea facere volumus et facimus, quae ad nostram auctoritatem pertinent, iustitia cuilibet salva permanente. Nam in his, quae sunt auctoritatis nostrae, dubitare nolumus, donec nobis ostensum fuerit ad planum, cuius privilegii auctoritate id constitutum sit, quod nostra non interest, gravamine affectis non sucurrere et ideo vos hortamur pro integritate fidei vestrae, quam nobis debetis, ut in his, quae ad nostram auctoritatem spectare dignoscuntur, vos obsequentes exhibeatis, gratiam accumulatiorem nostram ob eam rem habituri.

Dat(ae) or Dat(um)⌈Dat(ae)Dat(ae) or Dat(um)⌉ Poznaniae, Sabbato ante Dominicam Laetare proximo anno Domini millesimo quingentesimo tredecimo, regni vero nostri anno septimo.

Commissio propria regiae maiestatis