Wie wir zuvor Ewer Herlichkeit ⌊⌋
, der nicht zuvorhalten, wan unser bot von hove wider kuem, / so ist er dissen tag herkomenn / unnd vonn ⌊koniglicher majestet⌋ solch ⌊⌋, / wie disse eingelegte copey einhelt, mit gebrocht. / Es hot uns ouch der hochwirdigst her ⌊bischoff zu Ploczko⌋ ⌊⌋, das wir nichts achtenn sollenn, was sich die botnn rhumenn. Die drey hern, / alse nemlich der ⌊posnisch⌋ und leslich woywoden und der lancziczer castellan ⌊von der Slensze⌋ genent, / werden fuegliche zu allen dingen von ⌊koniglicher majestet⌋ instruction habenn. / Wor aber die ⌊tagfart⌋ sein sol, / so ⌊konigliche majestet⌋ durch ire mandat nicht angeczeigt, / wisse wir nicht anders, dan in gewonlicher stelle, / wie wol ir majestet zu fried ist, / ummb ⌊Thornn⌋ etc. Dieweil uns dan andere gescheffte verfallenn, / das wir in II oder III tagen wider an hoff mussenn schicken, / wolle wir derhalbnn ouch schreibnn, / das ⌊ir majestet⌋ die stelle thue von sich selbst / und nicht durch uns seczenn etc. Dis hab wir so freuntlicher weis Ewer Herlichkeit, [die] wir Gothe [dem] almechtigen in [lan]gweriger ge[sun]theit thun be[fh]elen, / mit den ersten nicht wold bergenn. / Bittend solchs ouch unsermm libnn freunde, dem hern ⌊danczker castellan⌋, mitzuteilenn etc.
