... Wir habnn mit sverheit unsers gemuets [und] sonderem mitleidenn Ewer krancheit vornomenn [G]ot bittende, / euch widerummb zu Ewer gesuntheit wolde vorhelffen. / Negst hab wir euch was den orgelmacher Bardaun belangt / geschribnn. / Wolt uns bey dissemm unsernn underthan lossenn wissen, / wie es umb in ein gestalt habe. / Disse beygebundenen brive wolt magistro Iacobo vonn Barten zufertigen / und so vil euch muglich beystand thun, das er III fas [b]esten danczker birs gen Bru... in Flandren an hern Cornelium Scepperum / mit denn ersten thu fertigenn. / Was das alles wirt gekostenn, werdet ir im sagen, / das es im zu dancke erlegt sol werden, / so bald er uns lest wissenn, / was die summa wirt sein. / Hiemit Gote befolenn, / der helffe euch wider uff. / Grust Ewer libe hausfrau / und all[e] gutte freunde.

Datum aus unserm sloss Heilsberg, den XV Iulii M D XLI.