Unsernn etc. Ersamenn, nhamhafftigen etc.

Wir sein durch etliche hern disser lande rethe bericht, wie Ewer Erbarkeit wi... den vorloffs uff negst gehaldener tagfart / widerummb z[u] munczen haben angefangen / oder im korczen anzufang[en] vorgenomenn, / alse nemlich aus talernn dreyer groszen z[u]slaen. / Wer dem so, / mochte nicht ane grosße koniglicher [majestet] und der Kron ungenad und verdriss, / ouch d... lande ane sverenn unleidlichnn schadenn / geschenn, de[r]wegenn wir Ewer Erbarkeit uff anregenn an...rei hern rethe und unsere bedenckenn, / was daraus nochteils mochte volgenn, / freuntlich und treulich ermannenn und warnenn, solches munczen in keyne... weg ane koniglicher majestet zu loss und disser lande mitwiss[en] wolt vortstellenn oder der gestalt von talernn geringere muncze zu machenn in gang komenn lossenn, / an merk[en]de was dar aus Ewer Erbarkeit und der stat wider weitigher ... ungelymffs mocht und wurd erwachssenn, / so ouch hie i[m] lande nymant solchen schaden gernn wir... duldenn, / das wir so freuntlicher, gutterr, trewer meyn... Ewer Erbarkeit, Gothe befholenn, / nicht habnn mugenn vorhaltenn.

Datum uff unsermm slosse Lobau, den ersten tag Decembris M D XXXVII.