Georgio Scheucken

Unsernn etc.

Wiewol wir bedocht gewesenn Ewer Herlichkeit nichts zuvor den bei dem bothenn, so uns dersulbtenn brive uberantworth, zuschreibenn, / dieweil uns aber gestern abent / von den hernn botschafftern, / darunder zeitung, / so die uns grosmechtige her Marienburgischer wojwode mit eigner hant zugeschribenn gewesenn, / brive zu Kunigsberg den 22 dits mondts datirt zu kommen, / habenn wir nicht lassenn kunnen, / sunder Ewer Herlichkeit ob gedochter zeitung beigelegte abschrift bei kegenwertigenn czeiger / zu schickenn mussenn, / worauss Ewer Herlichkeit, was von der krigsrustung czwuschen kaiserlicher majestet und den deutschen furstenn zugleuben sei, / vornemen werdenn. / Sunst wollenn wir her nacher Ewer Herlichkeit auf ire brive, / auch was czwuschenn uns und dem hern pomerelischenn woiwoden vor handlung / und beredung geschenn, / bei unsers brudernn diner genugsam von Wormdit abe beantwortenn, / die der almechtige Got in gutter gesuntheit lange erhalten wolle.

Datum aus unserm hofe Smolein, den 27 Ianuarii 1547.