AAWO, AB, D. 7, f. 72r (t.p.)

Georgio Scheuck(en)

Unsernn etc.

Wiewol wir bedocht gewesenn E(wer) H(erlichkei)t nichts zuvor den bei dem bothenn, so uns dersulbtenn brive uberantworth, zuschreibenn, / dieweil uns aber gestern abent / von den hernn botschafftern, / darunder zeitung, / so die uns grosmechtige her Marienburgischer wojwode ... illegible⌈...... illegible⌉ mit eigner hant zugeschribenn gewesenn, / brive zu Kunigsberg den 22 dits mondts datirt zu kom(m)en, / habenn wir nicht lassenn kunnen, / sunder E(wer) H(erlichkei)t ob gedochter zeitung ... illegible⌈...... illegible⌉ beigelegte abschrift zu bei kegenwertigenn czeiger / zu schickenn mussenn, / worauss E(wer) H(erlichkei)t, was von der krigsrustung czwuschen kai(serlicher) m(ajeste)t und den deutschen furstenn zugleuben sei, / vornemen werdenn. / Sunst wollenn wir her nacher E(wer) H(erlichkei)t auf ire brive, / auch was czwuschenn uns und dem hern pomerelischenn woiwoden vorhal vor handlung / und beredung geschenn, / bei unsers brudernn diner genugsam von Wormdit abe beantwortenn, / die der almechtige Got in ... illegible⌈...... illegible⌉ gutter gesuntheit lange erhalten wolle.

Dat(um) Smolein aus unserm hofe Smolein, den 27 Ianuarii 1547.