Dem hochwirdigen fursten und hern, / hern Johann bischoven zu Ermelandt, / meinem gnedigen hern etc.

Heilsberg

Hochwirdiger furst, / gnediger herr. /

Ewer Furstlich Gnaden seyn mein underthenig willig dienst zuvor an bera[i]t. /

Ewer Furstlich Gnaden schreiben mir detzo gethan des datum steet zu Heilsberg den XXI Iulii / hab ich sambt zwayen briefen, / nemblich den ainen an mein gnaden herrn marggraff Johann Albrechten, / den andern an herrn von Granvella laut ende, / empfangen. / Die hab ich nemlich meinem gnedigen herrn marggraff Johann Albrechten gen Hall alda sein furtlich gnaden detzo hof haltet, / unnd den anderen bemelten herrn Granvella auff Mayland, alda er bey kayserlicher majestät iezo sein solle, / gesandt, / der zuversicht sollen also gewiss geantwurt werden. / Das wolt ich Ewer Furstlich Gnaden, dero ich dienen willig bin, / undertheniger mainung nit verhalten. / Tue mich hiemit Ewern Furstlich Gnaden undertheniglich bevehlen. /

Datum Augspurg, am XX-ten tag Augusti anno etc. XLI.

Ewer Furstlich Gnaden undertheniger Antoni Fugger subscripsit