» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #1112

Mikołaj NISZCZYCKI to Ioannes DANTISCUS
Górzno, 1534-01-30
            received [1534]-01-30

Manuscript sources:
1fair copy in Latin, autograph, AAWO, AB, D. 67, f. 271

Auxiliary sources:
1register in Polish, 20th-century, B. PAU-PAN, 8247 (TK 9), f. 484

Prints:
1AT 16/1 No. 78, p. 168-169 (in extenso; Polish register)

 

Text & apparatus & commentaryPlain textText & commentaryText & apparatus

 

Reverendissimo in Christo Patri et Domino, domino Ioanni Dei gratia episcopo Culmensi, domino et fautori mihi colendissimo

Post servitiorum meorum commendationem.

Reverendissime Domine, domine et fautor mihi colendissime.

Postquam hic ad tenutam meam Gorsnensem veni, deliberaveram Dominationem Vestram Reverendissimam invisere, quemadmodum hoc Dominationi Vestrae Reverendissimae in Ploczko oretenus declaraveram, sed assiduae difficultates, quibus sum implicitus, non permittunt desiderio meo satisfacere. Quare rogo boni consulere dignetur Reverendissima Dominatio Vestra et me servitorem suum gratia sua veteri et solita amplecti non postponat, qui summo studio in omnibus, quae grata fore Dominationi Vestrae Reverendissimae cognoverim, morem gerere et placere cuperem, ut tanto maiorem gratiam Dominationis Vestrae Reverendissimae promereri valeam.

Nova nulla habeo scriptu digna et quae antea Dominatio Vestra Reverendissima non cognovisset, praesertim de morte Mosci et reverendissimi domini Cuiaviensis aegritudine, quem in medio consilii tactum aiunt ac absolutione moderni conventus.

Commendo me iterum et obsequentia mea Reverendissimae Dominationi Vestrae. Quam diu sanam et incolumem valere ex corde cupio.

Datae Gorsno, feria sexta ante Purificationis gloriosissimae Virginis Mariae anno Domini 1534.

Reverendissimae Dominationis Vestrae servitor deditissimus Nicolaus de Nisczice castellanus Sierpcensis manu sua