Unsern fruntlichnn grues und allenn gutten zuvorann. Ersame, nhamhafftige hern.

Ewer Erbarkeit schreiben, zu Thornn geben den XX tag Iunii, / hab wir hie den VIII dis monts entfangen, / und wer solchs hochs bedanckens unnot, / dan Ewer Erbarkeit vil lieb und freuntschafft zu thun sein wir alzeit willig. / Was den geslagnenn pfarrer, / und das der, / wie kleger, / den beschediger vor Ewer Erbarkeit burgermeister solde rechtlich ersuchen, / hab wir solch recht noch nicht gelesen. / Ouch kan solcher beschediger, in der kirchen und unsernn ungehorsam gefallenn, / so nicht entlediget werden, / noch das stad oder weltlich recht so weit sich strecken, priester zu richtnn. Wie deme alles, / hab wir unsermm officiäl geschribnn die sache zuvortragenn. / Wor wir sunst Ewer Erbarkeit, die wir Gote dem almechtigen thun befelen, fruntlichen willen wissen zuerczegenn, / sein wir geneigt. /

Datum aus unsermm slosse Lobau, den X Iulii 1534.