1535-07-31⌊Hodie1535-07-31⌋ accepi litteras <Vestrae> Reverendissimae Dominationis per praesentium exhibitorem, cursorem Dominationis Vestrae Reverendissimae, cui ex quo illico, ut mihi notificet Dominatio Vestra Reverendissima ⌊Cracoviam⌋ versus sese conferet, tradidi illi litteras ad dominum ⌊Albertum Kyoffski⌋ soli praesentandas. Alia non habe... habeo ad praesens ad illam aulam scriptione dignum perferendum.
Sessio loci in consilio regis et regni consiliariorum ita per me occupata et tenta fuit: post Plocensem datus fuit mihi locus, qui a domino ⌊Luca⌋ alternatis vicibus cum Plocensi tentus fuit. Contendi ea de causa cum ⌊moderno Plocensi⌋ longa certatione, ille mihi subivit, quod tacuissem seu silentio praetermisissem, vel saltem tolerassem hunc locum sic possidere per dominum ⌊Raphaelem⌋, per consequens non esset dignum ipsi, ut nunc cedere deberet etc. Ego allegavi, quod nescirem, quomodo sessio temporibus his tanta fuerit, non esset meum colligere vota, sed secundum ius et veterem consuetudinem exstaret hoc et adhuc penes marscalliensem regni itaque illius error seu dolus non potest nec mihi, nec ⌊ecclesiae meae⌋ in aliquo honorem subrepere. De post aliquando fui interpellatus pro voto dando ante Plocensem, sed hoc non frequenter, at quando debito ordine non fuerim rogatus, de gravamine fui et contemptu protestatus. In ultima isthinc mea abitione post coronationem ⌊iunioris regis⌋ ⌊rex senior⌋ pollicitus est mihi finem huius rixae facere velle in proximo conventu, interea in nullo Polonico conventu comparui, sunt tamen multi domini, qui recordabantur et ipse rex ita, ut a me praemiss[um] est, olim observatum esse, numquam sedit penes me in superiori loco episcopus Plocensis, nec hoc tolerassem, vel sedit in alio latiore, vel super scabello suo. Ideo marscalliensis exigit votum a nobis duobus pro nutu suo, tunc illum, tunc me primum interrogando.
De post sedit penes me Primisliensis, dehinc praecessor Dominationis Vestrae Reverendissimae, demum Chelmensis etc. et sic illo tempore, de quo memini servatum et tentum fuit, quoad sessiones locorum in ⌊regio consilio⌋.
Conventum Michaelis consuetum celebrandum servabo, si alius mihi non indicatus fuerit et per valetudinem valuero in locoque consueto. ⌊Illustrissimus dux⌋ dixit mihi diem veniendi huc VII Augusti, nisi insuspicato impedimento praepeditus fuerit. Ex ⌊Gdano⌋ mihi autem scriptum est ex ⌊Pomerania⌋ rumorem venisse de morte ⌊Ioachimi⌋ marchionis senioris. A ⌊principe⌋ nec ex ⌊Monte Regio⌋ de ⌊illius principis⌋ obitu nihil audivimus, nisi quod illa protestatio me aliquantulum pavorosum facit, ut scribit ⌊dux⌋, nisi praepeditus fuero. Haec sub sacra fratrum fide.
Cum his me Reverendissimae Dominationi Vestrae diligenter commendo, quam Deus felicibus saec[ulis] servet vigentem.
