Dem Hochwirdigsten in Goth Hern, hern Johanni von Gots genaden bisschof zcu Culmensehe / unde administrator zcu Pomezan etc., unserm genedigen herren /

Hochwirdigster in Goth, / Genediger Herre. /

Unser boreidtwillige und gantz geflissene dinste / seint Ewer Gnaden allewege zcuvoran entpholen. /

Genediger Herre.

Es ist in der eyle / vorgessen, / des hochwirdigsten in Goth hern, / hern Mauritii bisschofes zcu Ermelant, unsers genedigen hern, brifs copey an uns auf unser bedencken in genaden gesonen zcu der wir uns / in dem brife an Ewer Genade und die andern hern rethe / diser lande geschriben, / referiren. / In denselbigen / zcu legen, / dÿe wir hÿrmit / dinstlichen / hirinne vorschlossen Ewer Genaden zufertigen / und haben sulchs Ewer Genade in dinstlicher andacht / nicht wissen zcu vorhalten. /

Dieselbtige wir Goth dem Almechtigen / zu langen vorhofften und gewunschten gesunden tagen / seliglich mit fleis bevelen. /

Geben Danzig, am II-den Septembris anno etc. XXXV.

Ewer Genaden dinstwillige burgermeister und radtman der stadt Dantzigk