Freuntlichn grues / und was ich liebs unnd wolgefallens zu thun vermagk zuvorann. Edler, ehrfester her, gunstiger freundt.

Mir ist negst ei[n] freuntlich schreiben von euch zukomen, datum Weysbach, den XV Septembris, / dar innen mir v[or] das feslein wiltnys ol gedanckt wird, / welch[s] unnoth gewest, / dan vor vil woltat mir bewis[n] ich mich euch erkenne vil mher schuldig zu sein. Woln gernn, das ich mein danckparheit m[it] der tath statlichem mall mocht beweisen, / die dreyhundert ducaten ... der selbigen wirde, / die ich euch so lange zceit geblibnn, / s... ich dis mol gen Thorn ewrmm diner, Jorgen Mulich..., widerzulegen und zu beczalenn mit grossemm dancksa[gen], das ir so lange an erkein interesse mit mir gedu... getragen. / Wor ich das umb euch und die ewrnn umerr werd wissen fruntlich zuvordinen und ir beschuldenn, / erbeut ich mich phlichtig und willig. / Got dem almechtigen in langweriger gesuntheit und glu[ck]seligem zu nhemenn befholenn.

Datum aus meynem slosse Lobau, den IIII Ianuarii M D XXXVI.