Letter #1850
Ioannes DANTISCUS to Ermland (Warmia) ChapterHeilsberg (Lidzbark Warmiński), 1538-04-28
English register:
Dantiscus accepts the Chapter’s explanation regarding the delay in deciding about the pay for the Cantor [Johannes Tymmermann]. Dantiscus has ordered his curate Felix [Reich] to obtain the papal reservation document from the Cantor, if he has it, and present it to the Chapter.
Manuscript sources:
Prints:
| ||||||
Text & apparatus & commentaryPlain textText & commentaryText & apparatus
Venerabilibus Dominis, praelatis, canonicis et capitulo ecclesiae nostrae Warmiensis, fratribus sincere dilectis
Ioannes Dei gratia episcopus Warmiensis
Venerabiles Domini, fratres sincere dilecti.
Quod Fraternitates Vestrae iis diebus negotio pensionis domini cantoris, quod nobis facessit, intendere non potuerint, boni consulimus, per oportunitatem tamen, ut pollicentur, tractaturae. Idque ut commodius fiat, iniunximus venerabili domino Felici vicario nostro, ut sibi litteras reservationis pontificis a domino cantore, si quas habet, exhiberi et dari nostro nomine postulet. Easque postquam acceperit, Fraternitatibus Vestris impartiat, quo quid nobis ea in re faciendum dispicere certius possint, habentes fiduciam, quemadmodum scribunt, officio suo Fraternitates Vestras non defuturas.
Quas feliciter valere optamus.
Ex Heilsberg, XXVIII Aprilis anno MDXXXVIII.